Ndibutsa abanyarwanda bose ko abafite ubumuga ari abantu nk’abandi-Minisitiri w’intebe Murekezi

Minisitiri w’intebe Murekezi Anasthase yibukije abanyarwanda ko abafite ubumuga ari abantu nk’abandi kandi ko bafite uruhare runini mu kubaka igihugu.

Mu butumwa bwe, Minisitiri w’Intebe Anastase Murekezi yasabye abanyarwanda guha abamugaye icyubahiro bakwiye. Yashishikarije kandi abanyarwanda kwita ku burenganzira bw’abafite ubumuga.

Ati:” Ndifuza kwibutsa abanyarwanda bose ko abafite ubumuga ari abantu nk’abandi, bafite uburenganzira bwose busesuye kandi bagira uruhare rukomeye mu kubaka igihugu cyacu. Ndabasaba rero mwese kubaha icyubahiro bakwiye, ndabasaba kubaha ubufasha bakeneye.”

Minisitiri Murekezi kandi yijeje abafite ubumuga ko Leta y’u Rwanda izakomeza kubaha ubufasha ndetse anasaba abanyarwanda kuzagira uruhare mu munsi mpuzamahanga wahariwe abafite ubumuga.

Ati:”Leta y’u Rwanda na yo yongeye kwizeza abafite ubumuga ko izakomeza kubaha ubufasha bwose bushoboka. Mboneyeho no gusaba abanyarwanda bose kuzitabira ibikorwa byateguriwe kuzitabira umunsi mpuzamahanga w’abafite ubumuga.”

Umunsi mpuzamahaganga w’abafite ubumuga uteganyijwe tariki ya 3 Ukuboza 2016.

Insanganyamatsiko yawo iragira iti: "kugera ku ntego z’itera mbere rirambye duteza imbere umurimo kuri bose kugirango n’abafite ubumuga bose bagire umurimo bakora ubateza imbere ugateza n’igihugu imbere".

Yisangize Inshuti.

Ibitekerezo

Tanga Igitekerezo