Kwamamaza

UBUZIMA

Mu myaka 5 cyangwa 10 mu Rwanda hashobora kuzagaragara indwara zidasanzwe ziturutse ku nkorano- Hon. Gatabazi

Yanditswe

kuya

na

Makuruki
Mu myaka 5 cyangwa 10 mu Rwanda hashobora kuzagaragara indwara zidasanzwe ziturutse ku nkorano- Hon. Gatabazi

Guverineri w’Intara y’Amajyarugu Hon. Gatabazi Jean Marie Vianney arasaba abantu guhagurukira kurwanya inzoga zikorwa mu matafari , mu ifumbire n’ikintu kiva mu Bushinwa zikorerwa mu ntara ye kuko zishobora gutera ibibyimba no kumera ibihumyo mu nda.

Guverneri Gatabazi avuga ko mu Ntara y’Amajyaruguru bari ku rugamba rwo kurwanya inzoga z’inkorano zikorwa n’abaturage benshi, ndetse ko abaturage bayo bafite inganda zikora izi nzoga ariko ngo ntibibuke ko abo babiha ari abantu.

Gatabazi avuga ko ubusanzwe abanyarwanda bengaga inzoga gakondo zirimo ikigage n’urwagwa,ariko zikengwa mu buryo bwiza ndetse zikamara n’igihe zigatangira kunyobwa zahiye neza.

Gatabazi avuga ko iziri gukorerwa mu ntara ayoboye zo zikorwa mu ifumbire, amatafari n’ibindi bibi ati : « Abantu rero bahanze izo nganda bafata amazi akavangamo amatafari kugira ngo bigire ibara nk’iry’urwagwa, ariya matafari ahiye barayasya bagashyiramo ifu y’amatafari ahiye bigasa n’urwagwa, agashyiramo isukari idapimwe bagashyiramo tangawize, bagashyiramo n’utundi tuntu bavuga ngo batazi utwo ari two urumogi., abandi bagashyiramo ikinyabuzima, icyo kintu cy’ikinyabuzima ukibonye ntabwo wazongera kurya, ngo ni ikintu bakuye mu Bushinwa akantu kangana na garama 20 bagashyira mu ngunguru nyuma y’iminsi 20 ingunguru ikaba yuzuye icyo kintu, hanyuma bagashyiramo n’ifumbire mvaruganda. »

Guverneri w’Intara y’Amajyaruguru avuga ko izi nzogs zatangiye gutera indwara zidasanzwe zirimo kumera ibihumyo mu nda ati : "Abaganga baratubwiye ngo abantu b’abagabo babyibushye rwose ubona bameze neza basigaye baza kwivuga ukabona batangiye kuzana ibibyimba mu nda, ukabona batangiye kumeramo ibintu bimeze nk’ibihumyo. Urumva ya fumbire yagiye igahura n’amatafari ushobora no kuzajya urya n’ibigori bikamerera mu nda. Abantu bashize bari kuruka amaraso ugasanga imyijima yaturitse nawe ibaze ibintu umuntu akora mu gitondo nimugoroba akajyana ku isoko.

Guverineri avuga ko kubimena bitagikanga ababikora kuko bamena ingunguru imwe ejo agakora nyinshi. Avuga ko byose biterwa n’uko bunguka cyane, kuko ingunguru imwe ayishoramo amafaranga y’u Rwanda ibihumbi 20 agakuramo arenga Miliyoni. Avuga ko ibi bituma ni yo wamena ingunguru 5 adashobora guhomba kandi ko batanga ruswa nyinshi muri bamwe mu bayobozi kuko baba bazi ko bazunguka amafaranga menshi.

Guverineri avuga ko abakora izi nzoga bo batazinywa ahubwo ko bazikora bazijyana ku isoko ibintu avuga ko nyuma y’imyaka micyeya mu Rwanda hashobora kuzagaragara indwara zidasanzwe .

Ati " uriya ubikora ntashobora kubinywa akora ajyana ku isoko nyuma y’imyaka nka 5 cyangwa 10 tuzatangira kubona indwara zitabaho z’ibyorezo utamenya aho biturutse. Abadogiteri (Docteurs) baratubwiye ngo bajya mu bitabo bakibaza ukuntu umugabo arwara ibibyimba munda adatwita bikabayobera bakabona ibintu by’ibihumyo "

Gatabazi avuga ko ukora akwiye gukora ariko azirikana ko abo agaburira ari abantu, avuga ko izi nzoga zidahagurukiwe zizateza ingaruka zirimo n’indwara z’ibyorezi zidasanzwe mu myaka micyeya iri imbere.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza