Ingaruka za Viagra, ibinini bikoreshwa ngo ubushake bw’imibonano mpuzabitsina bwiyongere

6

Viagra, ni ibinini bimaze kwamamara ugerarenyije n’imyaka itagera kuri 20 bimaze byemewe gukoreshwa hirya no hino ku isi.

Ni mu bihugu bike wasanga bitahaba.Byifashishwa n’abagabo (hari n’iby’abagore) bashaka kongera bushake n’ingufu mu gutera akabariro.Hari benshi byahiriye, nubwo hari abo byabihiye.

Nubwo Viagra ifite akamaro nk’ako ndetse hakaba n’abo yafashije mu buzima bw’imibonano mpuzabitsina, ifite ingaruka mbi zayo ndetse zishobora no gutera urupfu.

Ikinyamakuru The Washington Post cyo muri Leta Zunze Ubumwe za Amerika cyatangaje ko ubwo ibyo binini bikorwa na Farumasi Pfizer byatangiraga gukoreshwa mu mwaka wa 1998, bamwe mu bagabo babikoresheje bwa mbere bahasize ubuzima.

Iki kinyamakuru kinatanga ubuhamya bw’umwe mu bahoze ari abayobozi b’ikigo gitwara abagenzi mu ndege wihase ibyo binini, agapfa ubwo yari hejuru y’umugore we mu gitondo bakora imibonano mpuzabitsina.

Healthguidance.com, ikinyamakuru cyandika ku buzima gitangaza ko hari abajya bibeshya ko gukoresha Viagra birinda indwara zandurira mu mibonano mpuzabitsina kandi siko biri.Igihe wakoresheje ibyo binini ntukoreshe ubundi buryo bwo kwikingira, nta mahirwe na mba uba ufite yo kutandura.

Ubusanzwe ibi binini bifatwa nibura mbere y’isaha imwe ngo ukore imibonano mpuzabitsina .Iyo ubifashe ukarenza amasaha ane utarakora imibonano mpuzabitsina, bitakaza akamaro kabyo ko kongera ubushake n’ingufu.

Kurwara umutwe, mu nda, guhondobera no gucibwamo (guhitwa) ni zimwe mu ngaruka zoroheje ziterwa no gukoresha Viagra.Nubwo izo ari izoroheje, hari ibindi bibazo bikomeye bishobora guterwa n’iyo Viagra.Kimwe muri byo ni ubuhumyi.Noneho nko ku bantu bagira umuvuduko w’amaraso, umutima..amahirwe yo guhuma iyi bakoresheje Viagra aba ari menshi, bishobora no kugera ku rupfu.

Gukoresha Viagra usanzwe ufite indi miti ufata nabyo byongera ibyago byo kwibasirwa na zimwe muri izi ngaruka twavuze hejuru.

Niba wahisemo gukoresha Viagra, ni byiza kubanza kubaza muganga akanakubwira uko witwara agendeye ku buzima bwawe.Ikindi nuko hari izindi nzira nyinshi gakondo wakoresha ukagira ubushake bwo gukora imibonano mpuzabitsina, aho gukoresha Viagra.

Yisangize Inshuti.

Ibitekerezo 6

  1. Gufata umutikugira ukore imibonano nhuzabitsina atakamaro bifide jenibaza kubwanje uwomutintawonokoresha

  2. Murakoz Cane Kand Ndibaza Abantu Boba Bakoresh Izo Viagra Bohindura Kuko Uretse Bishobora Kugtera Indwara Bishobora Nugukweg Urupfu.Tubwir Ubwo Bundi Buryo Bubereye Gusumba Viagra

Tanga Igitekerezo