Ibintu 7 by’ingenzi byagufasha koroherwa no gukira vuba igihe urwaye

1

Kurwara ni kimwe mu bintu bica umubiri intege kandi bikawuzahaza mu buryo butandukanye bitewe n’indwara umuntu arwaye.

Akenshi iyo umuntu arwaye ntabasha gukora imirimo itandukanye, ibi bikaba na kimwe mu bishobora kumukururira ubukene iyo arwaye igihe kirekire.

Twifashishishe urubuga rwa Topsante.com, twabakusanyirije ibintu birindwi by’ingenzi byagufasha koroherwa no gukira vuba igihe urwaye.

1.Kurya indyo yuzuye

Kurya indyo yuzuye buri gihe ni ngombwa ariko bikaba akarusho iyo urwaye kuko bifasha umubiri kugarura intege vuba biturutse mu ntungamubiri zitandukanye umubiri uba ukura mu mafungo ufata.

Iyo umuntu arwanye, umubiri utakaza imbaraga nyinshi n’ubushobozi bwo kwiyubaka. Ni ngombwa rero kurya indyo yuzuye kugira ngo birinde umubiri kuzahara kandi ushobore kubona ibiwutunga bitandukanye.

2. Kwifubika bihagije

Iyo umuntu yarwaye, umubiri uba wataye ubudahangarwa buwufasha kugena ubushyuhe nyabwo bukwiye kuba mu mubiri. Aha rero biba bigusaba kwambara imyenda ikongerera ubushyuhe kandi ukiyorosa ibintu ibituma ushyuha kugira ngo biwurinde kumva ko hari igikuba cyacitse.

Ugomba kandi kunywa ibinyobwa ndetse n’amasosi bishyushye kuko bizagufasha, byongeyeho kandi bikakugabanyiriza kuba wafungana mu muhogo.

3. Kugabanya inshuro wipfuna

Mugihe urwaye si byiza ko wajya wipfuna kenshi kuko bigusaba ingufu nyinshi, kandi bikaba bishobora kuba byagukururira ibyago kubera ko umubiri uba wacitse intege.

4. Kunywa imiti kandi ku gihe

Imiti nicyo gisubizo cya mbere kiguha icyizere cyo gukira mu gihe urwaye, bikaba akarusho iyo wayandikiwe na muganga ubifitiye ububasha hagendewe ku bwoko bw’indwara urwaye.

Iyo urwaye rero uba ugomba kunywa imiti neza wandikiwe na muganga kandi ugakurikiza amabwiriza wahawe kugira ngo bigufashe gukira vuba kandi binarinde umubiri wawe kuba wahura n’ibindi bibazo bitandukanye.

5. Kuruhuka bihagije

Si byiza gukora imirimo iyo urwaye. Uba usabwe kuruhuka nibura amasaha umunani mu ijoro kandi ugashaka n’umwanya wo kuryama no ku manywa mugihe bishoboka.

Ibi birinda umubiri kunarirwa(kuzahara) kandi bikawufasha gusubirana ubushobozi n’imbaraga byawo mu gihe gito.

6. Gutembera no guhumeka umwuka wo hanze

Niba urwaye si byiza ko uhera munzu, ushobora gufata umwanya ugatembera mu busitani cyangwa ugafata nk’agatabo karimo utuntu tugufasha kwishima no kuruhuka mu mutwe ukaba wisomera kugira ngo bigufashe no guhumeka umwuka mwiza wo hanze wota n’akazuba.

Niba hakonje ibuka kwifubika bihagije, kuko ubukonje bushobora gutuma indwara aho gukira yiyongera bikakuviramo kuzahara.

7. Kwirinda ahantu hari urusaku

Iyo urwaye ni ngombwa kwirinda urusaku kuko rushobora kugutera umutwe cyangwa rukagukururira ibindi bibazo bitewe nuko umubiri uba watakaje ubushobozi bwawo bwo guhangana na cya kintu icyaricyo cyose gishobora kuwangiza.

Ibi n’ibindi byose uzabwirwa na muganga nyuma yo kumenya indwara urwaye, bizagufasha koroherwa no gukira vuba, bityo ubashe kuba wakwiteza imbere, unateze imbere umuryango wawe.

Yisangize Inshuti.

Ibitekerezo 1

  1. Iyo ngingo ya 3 siyo habe nagato, kwipfuna nuko ubafute ibimwira, kandi iyo wipfunnye usohora imyanda ahubwo bikaba byafasha gukira vuba cyane umuntu urwaye ibicurane.

Tanga Igitekerezo