Warning: imagejpeg(local/cache-vignettes/L463xH261/arton11908-f2699.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Bugesera : Bibasaba kurara bagenda kugira ngo bagere kwa muganga hakiri kare .|. Makuruki.rw | Amakuru Asesenguye!

Bugesera : Bibasaba kurara bagenda kugira ngo bagere kwa muganga hakiri kare

1

Abaturage batujwe mu murenge wa Juru akarere ka Bugesera baravuga ko n’ubwo batujwe mu mazu meza bagifite ikibazo cyo kuba ahantu hatari ibikorwa remezo bihagije byiganjemo cyane kutagira ivuriro.

Nyuma yo kwimurwa ahuzubakwa ikibuga cy’indege mu karere ka Bugesera bakajya gutuzwa mu murenge wa Juru akarere ka Bugesera , bamwe mu baturage bimuwe baravuga ko n’ubwo batujwe mu mazu meza cyane, nta bikorwa remezo bihagije byabegerejwe ariko bakaba bahangayikishijwe cyane no kuba nta vuriro bafite hafi ku buryo bibagora kubona ubufasha mu kwivuza ku buryo bworoshye.

Aba baturage bose bahuriza ku kibazo cyo kutagira ivuriro hafi ya bo ku buryo ngo bakora urugendo rw’amasaha atatu bajya ku ivuriro riri ahitwa ku Kabagore uvuye aho batuye.

Umwe mu baganiriye na Makuruki.rw yagize ati:” Urabona hano nta vuriro dufite ni ikibazo kitubangamiye mu buryo bukomeye ku buryo abarembye badashobora kwigeza ku ivuriro riri ahitwa ku Kabagore aho dukoresha amasaha atatu n’amaguru kugira ngo tugereyo.”

Aba baturage bagaragaza ko bishimiye aho batujwe mu mudugudu gusa bagasaba ko bahabwa ivuriro mugihe kuko igihe gishize bitarakorwa byabagabanyirije icyizere.

Umuyobozi w’akarere ka Bugesera Nsanzumuhire Emmanuel na we yemera ko iki kibazo gihari koko ariko akavuga ko bahereye kuguha aba baturage umuhanda ibindi na byo bikaba biri muri gahunda ya vuba.

Yagize ati:” Erega buriya ntabwo ibintu byose byabonekera rimwe! Nibihangane turabizi twahereye kuri bimwe n’ibindi ni vuba bikabageraho.”

Uyu mudugudu utuwemo n’imiryango ibarirwa muri 62 yose yavuye ahazubakwa ikibuga cy’indege ,n’ubwo bashima ko bahawe amazu meza yo kubamo ndetse n’amatungo arimo n’inka ,basaba ko bakwegerezwa n’ibikorwa bindi birimo nk’amazi ivuriro n’amashuli.

Muneza Ferdinand

Makuruki.rw

Yisangize Inshuti.

Ibitekerezo 1

Tanga Igitekerezo