Agapipi, akanyoni...imvugo ababyeyi badakwiye gukoresha basobanurira abana ibice by’umubiri

5

Ikigo gishinzwe ubuzima mu Bwongereza (NHS) cyatangaje ko atari byiza ko ababyeyi bakoresha andi mazina mu gihe basobanurira abana bato bimwe mu bice by’imibiri yabo.

Mu Rwanda hakunze gukoreshwa agapipi, akanyoni n’andi mazina igihe ababyeyi bashaka kubwira abana imyanya ndangitsina yabo.

Ikigo NHS cyasobanuye ko ayo mazina ashobora kugira ingaruka ku myitwarire y’umwana, ndetse bakaba bahorana amatsiko yo kumenya icyo imyanya ndangagitsina yabo aricyo.

Jill Wilson,inzobere mu bijyanye n’imibereho ku bijyanye n’ibitsina yavuze ko abana bakwiye kubwirwa amazina y’ibitsina byabo uko yitwa.

Ati "ababyeyi benshi bakuze batababwira amazina nyayo y’ibitsina byabo, usanga ari nayo mpamvu bumva bafite ipfunwe ryo kuyabwira abana babo, nyamara abana ntaho bahuriye n’ayo marangamutima yabo, bo iyo ubibabwiye babyumva nkuko wavuga Ukuguru cyangwa Ukuboko."

NHS ivuga ko umwana wese aba afite amatsiko yo kumenya buri cyose, ariyo mpamvu umubyeyi akwiye kubimusobanurira neza yitonze, aho kugirango azabisobanurirwe n’abandi ageze mu bwangavu cyangwa ubugimbi.

Yisangize Inshuti.

Ibitekerezo 5

  1. Kubera umuco abantu bakuriyemo biragoye kubwira umwana ngo iyi ni imboro,iki ni igituba! !!egoko biraruhije pe. Reka tubiharire abarimu mu ishuri

  2. ibaze rero umuhungu wanjye nanze kumubwira agapipi nkamubwira akaboro? cyo ibaze ndimo mbwira agakobwa kanjye nti ambara ikariso batabona agatuba?

Tanga Igitekerezo