Warning: imagejpeg(local/cache-vignettes/L463xH309/arton15064-52d8d.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Madamu Jeannette Kagame yasabye urubyiruko kwakira ibyo ababyeyi babo bafite aho kwiyandarika .|. Makuruki.rw | Amakuru Asesenguye!

Madamu Jeannette Kagame yasabye urubyiruko kwakira ibyo ababyeyi babo bafite aho kwiyandarika

Madamu wa Perezida w’u Rwanda Jeannette Kagame yifatanyije n’abanyamuryango ba Imbuto Foudation mu isabukuru y’imyaka 15 imaze ifasha abana mu myigire anasaba ko abana bitabwaho kuko aribo bukungu bw’igihugu.

Muri uyu muhango yasabye aabyeyi gukomeza gukora uko bashopboye bakita ku bana babo, asaba n’abana kwakira ibyo ababyeyi babo bafitiye ubushobozi aho kwiyandarika.

Mu mwaka wa 2003 nibwo umuryango Imbuto Foundation yatangiye gahunda yayo yo gufasha kwiga abana bakomoka mu miryango ikennye. Kuri uyu wa gatandatu tariki ya 10/6/2017 hizihizwaga isabukuru y’imyaka 15 ishize iyi gahunda itangiye.

Umuyobozi w’icyubahiro w’uyu muryango, MadamuJeannete Kagame ari nawe wawutangije yavuze ko nyuma ya Jenoside uburezi cyari kimwe mu bibazo byagombaga kwitabwaho.

Ati :”Nyuma ya jenoside twibuka muri iyi minsi, kongera kubaka u Rwanda ntabwo byari byoroshye mu bihe nk’ibyo. Byari ngombwa ko hongera gutekerezwa ku bibazo byugarije abanyarwanda kandi tukanabishakira igisubizo kirambye. Kimwe muri ibyo bisubizo ubuyobozi bw’igihugu cyacu bwabonye ni uguteza imbere uburezi n’uburere bw’abana b’abanyarwanda cyane cyane ko mbere uburenganzira bwo kwiga butabonwaga na bose.”

Yavuze ko hakozwe byinshi birimo kubaka amashuri maze abanyeshuri bagatangira kuyajyamo ari benshi. Yavuze ko nyuma y’aho gato Imbuto Foundation yatangiye kubona amabaruwa y’abana basabaga gufashwa kwiga maze nayo ifatanyije n’abandi babyeyi yitaba bwangu ifasha aba bana.

Madamu Jeannette Kagame yavuze ko babikoze kuko babonaga nta mwana ukwiye kuvutswa amahirwe yo kwiga kandi azi ubwenge ngo ni uko aturuka mu muryango ukennye.

Ati :”Twasanze nta mwana ukwiye kubura aho yiga kuko avuka mu muryango utishoboye. Mu mwaka wa 2003 nibwo iyi gahunda yatangiye hishyurwa amafaranga y’ishuri, hagatangwa n’ubundi bumenyi bubafasha mu buzima busanzwe, bakigishwa kuba urubyiruko rubereye igihugu.”

Madamu Jeannette Kagame yasabye abafashijwe n’Imbuto gukomeza nabo gufasha igihugu mu kwita ku bana ndetse anakangurira ababyeyi kugerageza gufasha abana uko bashoboye kuko ngo abana aribo bukungu bw’ejo hazaza.

Ati :”Hari byinshi mwakora bijyanye no gufasha abana aho mutuye: Kumenya agaciro kabo, guharanira kwiga no kwakira ibyo ababyeyi babo babasha kubona aho kwiyandarika. Mu bikorwa muteganya murebe ko mwafasha abana bakiri ku muhanda kuko ni inshingano ya buri wese.. sinasoza rero ntakanguriye ababyeyi gukomeza kwita ku bana. Abana ni amashami y’umuryango wanyu wacu. Abanyarwanda babivuze neza bati utazi ubukungu yima umwana."

Yisangize Inshuti.

Ibitekerezo

Tanga Igitekerezo