Nubwo murangije amasomo ntabwo ubuzima bugiye koroha - Perezida Kagame

1

Kuri uyu wa 29 Nyakanga 2016 Perezida wa Repubulika Paul Kagame yitabiriye umuhango wo gutanga impambyabumenyi ku banyeshuri ba kaminuza y’u Rwanda basaga 8500, bigaga mu byiciro bitandukanye, akaba yabasabye ko bagomba kumva ko batagiye kubaho mu buzima bwioza kuruta ubwo barimo ahubwo bagomba kumenya guhangana ku isko ry’umuriromo rihatanirwa na benshi.

Byari ku nshuro ya mbere perezida wa Repubulika Paul Kagame yitabira umuhango wo gutanga impamyabumenyi barangije muri Kaminuza y’u Rwanda, ndetse bikaba byari ubwambere aba banyeshuri baherewe impamyambumenyi umunsi umwe kuva Kaminuza y’u Rwanda yashingwa mu myaka 3 ishize.

Perezida Kagame yashimiye abayobozi ba Kaminuza y’u Rwanda babashije gufasha aba banyehuri barangije amasomo yabo mu byiciro bitandukanye.

Perezida Kagame kandi yabwiye aba banyeshuri ko kuba barangije kwiga kaminuza badakwiye kumva ko ubuzima bwabo bugiye koroha, ariko atari ko bimeze kuko hari ibindi bibategereje kandi bikomeye kuruta uko bari babayeho.

Yagize ati “Umuntu yakwibwira ko ubwo murangije amasomo ubuzima bugiye koroha. Ntabwo ari byo hari ibindi bibategereje ibindi biteye ukundi, bitandukanye nibyo mumaze kunyuramo n’imbaraga zanyu zose.”

Perezida Kagame yongeye kwibutsa aba banyeshuri barangije ko hanze aha isoko ry’umurimo ribona umugabo rigasiba undi kandi ko bisaba guhanagana kandi ko abagaragaje ubushobozi kurusha abandi ari bo baryegukana.

Yagize ati “ku isko ry’umurimo ntabwo buri wese abona umurmo uko abyifuza imirimo ishiobora kuba na mike kuruta abyishaka ubwo ni ukuvuga rero muri abo bayishaka ubwo ari benshi imirimo ikaba itangana nabo, ubwo uwo mubare munini w’abayishaka bazayipiganira, bazayihanganiraho, abashoboye abe ari bo bajya imbere. Ndabategura kugira ngo mumenye ngo hari ubundi buryo bw’ingorane zo kugera ku byo mwifuza.”

Umuyobozi mukuru wa kaminuza y’u Rwanda Mike. E. O’Neil yabwiye aba banyeshuri ko iki ari igihe kubyaza umusaruro imbaraga ababyeyi babo na leta y’u Rwanda babatayeho mu gihe cyose bamaze biga.

Mu bushashatsi bwakozwe bwa 2016 bwakozwe n’ikigo cy’Igihugu cy’Ibaruramibare bwagaragaje ko ubushomeri ku isoko ry’umurimo buri ku kigero cya 13.2%, aho byibuze umuntu umwe mu bantu 8 aba ari umushomeri.

Mu banyeshuri bahawe impambyabumenyi harimo 2 bahawe impamyabumenyi y’ikirenga(Phd) harimo n’umupolisi mukuru w’u Rwanda CP Wilson Rubanzana wahawe PhD mu bijyanye n’indwara n’ibibazo by’ubuzima.

Harimo kandi 324 bahawe impamyabumenyi y’icyiciro cya kabiri cya kaminuza
(Masters degree), 687 bahawe impamyabumenyi z’amasomo bize nyuma yo gusoza ay’icyiciro cya mbere cya Kaminuza (post-graduate) n’abandi 6,365 bahawe impamyabumenyi z’icyiciro cya mbere cya kaminuza (bachelor’s degrees)

Yisangize Inshuti.

Ibitekerezo 1

Tanga Igitekerezo