Abanyeshuri ba Kaminuza y’u Rwanda bimenyereza kwigisha, bararira ayo kwarika

5

Muri Kaminuza y’u Rwanda ishami ry’Uburezi

Abanyeshuri biga muri kaminuza y’u Rwanda ishami ry’Uburezi, bari kwimenyereza umwuga mu bigo by’amashuri bitandukanye baravuga ko bagowe cyane no kubahiriza inshingano zabo mu gihe ishuri bigamo ryahagaritse gutanga amafaranga yajyaga abafasha.

Aba banyeshuri batangiye kwimenyereza umwuga wo kwigisha mu bigo by’amashuri bitandukanye muri Nzeli 2016, bikaba biteganijwe ko bazarangiza kwimenyereza muri Kamena 2017.

Abanyeshuri baganiriye na Makuruki.rw ntibashimye gutangaza amazina yabo kubw’ingaruka bakeka ko byabagiraho ariko bose icyo bahurizaho ni uko aho bari babayeho mu buzima butaborohoye nyuma y’aho hakuweho amafaranga bajyaga bahabwa mu rwego rwo kubafasha.

Umwe muri bo yagize ati “Twabwiwe ko nta mafaranga ya stage tuzongera guhabwa ariko ntabwo batubwiye impamvu bayakuyeho. Kugeza ubu tubayeho nabi kuko nko kujya aho nkorera binsaba gutega iyo nta mafaranga mfite ngenda n’amaguru bikamviramo gukerererwa."

Aba banyeshuri bemeza ko mu gihe aya mafaranga yakurwaho burundu, ngo ntibizeye kuba bazatanga umusaruro nk’uwo bari bitezweho kubera imibereho barimo itabemerera gukora imbaraga nyinshi.

Yagize ati “Rwose simpamya ko wataha unaniwe, ugataha n’amaguru urugendo runini nurangiza ngo ugende utegure isomo, birumvikana ko ireme ry’uburezi ritangwa n’umuntu ubayeho neza ritangana n’iry’umuntu ubaye nk’uku tubayeho.”

Twageragaje Kuvugana n’umuyobozi ushinzwe Imari muri kaminuza y’u Rwanda ishami ry’Uburezi Francoise Shabairu, atubwira ko ntacyo yiteguye gutangaza kuri iki kibazo.

Amakuru twahawe n’umwe mu bakozi ba kaminuza y’u Rwanda nuko icyi ari icyemezo cyafashwe na kaminuza y’u Rwanda ariko ngo nabo ntibasobanukiwe uburyo byakozwemo dore ko nta n’inyandiko ibisobanura bigeze bahabwa ngo nabo basobanurire abanyeshuri.

Ikindi hari abanyeshuri barangije kwiga muri iri shuri bagifitiwe ibirarane by’amafaranga yo kwimenyereza bagombaga guhabwa mu mwaka w’amashuri wa 2015/2016.

Yisangize Inshuti.

Ibitekerezo 5

  1. None se ko amafaranga yishuri hiyongereye ho 300000 nibyo twagenerwaga bakaba babitwimye ubukoko ibi nibiki? ndabona bamwe ishuri turivamo pe none se umuntu azajya muri stage yaburaye koko ? icumbi seryo waryishyura iki nkatwe dukora stage muri detente?(ndi muri Food science and technology muri Nyarugenge campus)

  2. Amafranga atabonetse rwose byo nkabantu tujya kwimenyeza uyu mwuga biragoye.kuko nkajye njyayo buri munsi arko iyo ntabonye ticket SIMBA nkigiye yo ndabyihorera nkajyayo yabonetse .ntibitworoheye rwose pe ni hagire igikorwa.kuko ntiwagenda namaguru NGO ugere yo hanyuma wigishe .

  3. Amafranga atabonetse rwose byo nkabantu tujya kwimenyeza uyu mwuga biragoye.kuko nkajye njyayo buri munsi arko iyo ntabonye ticket SIMBA nkigiye yo ndabyihorera nkajyayo yabonetse .ntibitworoheye rwose pe ni hagire igikorwa.kuko ntiwagenda namaguru NGO ugere yo hanyuma wigishe .

Tanga Igitekerezo