RDB yatashye amashuri ya miliyoni 33 yubakiye abaturiye Nyungwe

1

Abaturage bo mu mudugudu wa Rujagi akagari ka Butanda umurenge wa Batere mu Karere ka Rusizi bishimiye amashuri ribanza rya Rugera bubakiwe na RDB nyuma y’ingendo zisaga ibirometero 8 bakoraga bagiye kwiga.

Aya mashuri yubatswe muri gahunda isanzwe ikorwa n’ikigo cy’igihugu gishunzwe iterambere RBD biciye mu ishami rishinzwe ubukerugendo. Iyi gahunda igamije kubakira ibikorwa remezo abaturage baturiye ama pariki kugirango barusheho kuyabungabunga bazi neza Ibyiza byayo.

Mbere y’uko aba baturage bubakirwa aya mashuri bavuga ko bari bagowe no kwiga kuko amashuri bigagaho yarari kure aho bakoraga ibirometero bisaga 8 bagiye kwiga.

Nyuma yo kubona ko ingendo abana bakoraga ari nini umuturage Surwumwe Innocent yahise mo kwemera gutanga amazu ye ngo abana bayigiremo avuga ko yabitewe no kubona ko abana be ndetse n’abandi bari baracogojwe n’urugendo bakoraga bajya ku ishuri bigatuma bata amashuri bakigira mu bindi bikorwa birimo no kwangiza ishyamba rya Nyungwe.

Surwumwe avuga ko abana bigagari ari bacyeya cyane ati :” urebye hano mbere y’uko aya mashuri bayatwubakira hano ntabwo abana bigaga kuko urebye nka 90 ku ijana( 90% )by’abana ba hano ntibigaga wasangaga bajya guhinga cyangwa guhiga mu ishyamba n’ibindi.”

Niyonsaba Martin umuyobozi w’iri shuri nawe vuga ko mbere y’uko bubakirwa aya mashuri imyigire yari igoranye muri aka gace, ati :” byari bigoye kwiga uvuye aha ujya hariya hirya mwaciye muza byafataga nk’amasaha arenga 2 kugirango umwana agere ku ishuri byanatumaga abenshi batiga.”

RDB ikigo cy’igihugu cy’iterambere cyatanze amafaranga y’u Rwanda agera kuri miliyoni 33 nk’inkunga , Ngoga Tresphore ukora m u ishami ry’ubukerarugendo muri RDB avuga ko intego y’ibi bikorwa ari ukugirango bereke abaturage akamaro ka pariki bityo bituma bayibungabinga neza.

Ati :”Twubatse iri shuri kugirango dufashe abana bakoraga urugendo runini rutari munsi y’ibirometero 8 kugenda gusa byatumaga bareka kwiga kubera urugendo runini. Ni ikintu cy’ingenzi kuri twe kuko ni ubufatanye bwo kubungabunga pariki biba byiza rero kubasobanurira akamaro ka pariki unabereka umusaruro wabyo bituma barushaho kumenya impamvu bayibungabunga.”


Ngoga Tresphore ukora m u ishami ry’ubukerarugendo muri RDB

Ngoga avuga ko bifuza ko abantu biga bagashaka imibereho mu nzira zinoze aho kugirango bashakire imibereho mu kwangiza pariki.

Benjamin Kageruka ushinzwe ireme ry’uburezi mu kigo cy’igihugu cy’Uburezi REB avuga ko Minisiteri y’uburezi nayo izakora ibisigaye byose kugirango abana bige neza.

Ati:”Gahunda ya minisiteri ni ukugabanya ingendo abana bakora bajya ku ishuri ariko ubu ni ikintu tuba twishimira ko abana bavuka ino bose bagiye kuruhuka I ngendo bakoraga . Ibikoresho byose bisigaye ibitabo, mudasobwa abarimu byose ubwo ni Minisiteri y’uburezi ibitanga.”


Benjamin Kageruka ushinzwe ireme ry’uburezi mu kigo cy’igihugu cy’Uburezi REB

Ikigo cy’igihugu cy’iterambere RDB biciye mu ishami rishinzwe ubukerarugendo kigenera abaturage baturiye ama pariki 10% by’amafaranga ava mu bukera rugendo bakubakirwamo ibikorwa remezo birimo amashuri, amavuriro n’ibindi.

Yisangize Inshuti.

Ibitekerezo 1

  1. Ese iyo mwandika ko hatashywe amashuri ntimushyireho photo zayo, ahubwo mugishyiraho amafoto yandi, birakwiye?

Tanga Igitekerezo