Kwamamaza

UBUREZI

Perezida Kagame yagaragaje ko abarangiza kaminuza muri Afurika bakiri bake cyane

Yanditswe

kuya

na

Jean Paul Niyitanga
Perezida Kagame yagaragaje ko abarangiza kaminuza muri Afurika bakiri bake cyane

Perezida wa Repubulika y’u Rwanda Paul Kagame yavuze ko umubare w’abarangiza Kaminuza muri Afurika ukiri muto cyane ndetse ko ukeneye kongerwa bikanajyana n’ireme ry’uburezi kugirango Afurika irandure ubukene burundu, inaharanire agaciro k’abayituye.

Ibi yabitangarije mu nama y’iminsi ibiri iteraniye i Kigali mu Rwanda kuva kuri uyu wa 05 Nyakanga 2017.

Ni inama ihuje abahanga n’abahagarariye kaminuza zitandukanye zo muri Africa yateguwe na SDGCAfrica (’ikigo gishinzwe guteza imbere intego z’Iterambere rirambye muri Afurika ) gifite icyicaro mu Rwanda. Iyi nama igamije kwiga ku kuzamura ireme ry’uburezi mu bihugu bya Afurika.

Perezida Kagame yabanje gushimira SDGCAfrica kuba ikomeje gufata iya mbere mu gushaka ibisubizo ku bibazo bibangamira iterambere anashimira intambwe imaze guterwa mu burezi muri Africa bijyanye n’intego z’ikinyagihumbi (MDGs) Afurika yihaye, gusa yavuze ko ibimaze kugerwaho mu burezi bidahagije kugira ngo Afurika igere aho ishaka kugera.

Ati: "Africa ikeneye abarangiza kaminuza benshi bafite ubumenyi n’ubushobozi bituma bafasha mu guteza imbere ibihugu, Abitabira kwiga kaminuza muri Africa barajya kungana na kimwe cya kane cy’abayitabira ku Isi hose, Aba ni bake cyane ku bakenewe kugira ngo turandure ubukene burundu, tunaharanire agaciro kacu nk’abantu. Amahirwe dufite nuko ibikenewe birimo gushyirwa mu buryo kugira ngo tugere ku burezi twifuza, butubereye.”

Agaruka kubijyanye no gushora imari mu burezi, yasabye Leta n’abikorere kubushoramo imari bibuka ko inyungu yabwo idahita ibonekeraho bakaba bagomba gutegereza inyungu z’igihe kirekire.

Ati: “Tugomba guhora twibuka ko uburezi busaba ishoramari rihamye kandi inyungu yabwo igatinda, Uruhare rwa za Leta mu gushyiraho politiki z’uburezi no kubutera inkunga rugomba gukomeza. Ubushobozi bwose zaba zifite, Leta ntacyo zageraho zonyine. Uruhare rwa buri wese ni ngombwa. Tugomba gukomeza gushaka uburyo bwo kubona ubushobozi bukenewe binyuze mu bufatanye n’abikorera, Ibi ni ngombwa kuko abikorera nabo bakenera ubumenyi bw’abarangiza mu mashuri makuru na za kaminuza.”

Ikindi yagarutseho ni ibijyanye no guteza imbere ubumenyi mu ikoranabuhanga kuko ari ryo rizahindura Afurika no gutanga amahirwe y’uburezi angana ku bakobwa n’abahungu.

Ati: “Dukeneye imbaraga nyinshi mu guha ubumenyi mu Ikoranabuhanga agaciro gakwiye kugira ngo bufashe mu guhindura Africa. Abahungu n’abakobwa nibakomeza guhabwa amahirwe angana mu burezi, abakozi Africa ikeneye bazaboneka vuba,… Inshingano zacu ni ugukorana mu gushyiraho uburyo bworohereza urubyiruko kubona uburezi bubabereye. Nitworohereza urubyiruko kubona uburezi bujyanye n’igihe, twese tuzungukira mu mpano zabo zitandukanye.”

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza