Kwamamaza

UBUREZI

GS Mulinja bahanaguza amasahani ibyatsi kubera kubura amazi ku ishuri

Yanditswe

kuya

GS Mulinja  bahanaguza amasahani ibyatsi kubera kubura amazi ku ishuri

Bamwe mu banyeshuri biga ku Urwunge rw’amashuri rwa Mulinja ishuri ryo mu murenge wa Kazo, mu karere ka Ngoma bavuga ko muri iyi minsi bakoresha amasahani atogeje cyangwa bakayahanaguza ibyatsi bitewe n’uko amazi bakoreshaga yafunzwe mu buryo budasobanutse.

Ubusanzwe abanyeshuri biga kuri iki kigo bakoreshaga amazi atangwa n’ikigo gishinzwe amazi, isuku n’isukura (WASAC).

Mu byumweru bibiri bishize ngo nibwo ngo umuntu utazwi yafunze ayo mazi bigakekwa ko ari uko icyo kigo cyari kimaze kugeramo amadeni menshi nkuko bamwe mu baturage bahegereye babivuga.

Ubuyobozi bw’ikigo bwo buvuga ko uwabafungiye wese yabafungiye ibatunguye mu mpera z’icyumweru kandi itanabateguje.

Abanyeshuri bahiga bo bavuga ko gufungirwa byabagizeho ingaruka zo kubura icyo bakoresha boza amasahane igihe bagiye cyangwa bamaze kurya.

Umwe mu banyeshuri bahiga aganira na Makuruki.rw yagize ati ”dupfa gufata ibyatsi tukabihanaguza amasahani tukaba twirengera ingaruka ariko tuba tuzi ko ari umwanda ukabije’’.

Undi we yagize ati:’’iyo ugize amahirwe ukaba uziranye n’umunyeshuri mwiga hamwe uturiye ikigo uramwegera akaguha amazi,bukeye bwaho wayabura ugahanaguza isahani yawe ibyatsi’’.

Ubuyobozi bw’akarere ka Ngoma bwo buvuga ko iki kibazo bugiye kugikurikirana kigakemuka vuba mu rwego rwo kurengera aba banyeshuri.

Umuyobozi wungirije ushinzwe amasomo muri GS Mulinja, Cyakwera Marie Olive aganira na makuruki.rw yemeje ko iki kibazo cyo kuba amazi yo muri iki Kigo afunze aribyo,uretse ko atagaragaza impamvu nyayo yatumye afungwa.

Cyakwera avuga ko abanyeshuri bogesha ibyatsi ibikoresho bariraho bitagakwiye kuko ngo bakimara kubona iki kibazo hari ubundi buryo (atasobanuwe) babaye bifashishije mu gihe bagitegereje gufungurirwa amazi.

Ubuyobozi bw’Akarere ka Ngoma buvuga ko iki kibazo butari bukizi ariko ngo bugiye kugikurikirana kugirango gikemurwe ndetse hanamenyekane icyatumye iki kigo gifungirwa amazi nk’uko byemezwa n’umuyobozi w’akarere wungirije ushinzwe imibereho myiza KIRENGA Providence .

Yagizi ati’’Iki kibazo ntitwari tukizi,ariko ubwo tukimenye tugiye kugishakira umuti’’.

Ubuyobozi bw’ishuri buvuga ko bwabajije WASAC ikavuga ko atariyo yafunze amazi, bigakekekwa ko ari rwiyemezamirimo ucunga ayo mazi.

Abanyeshuri n’ababyeyi barerera muri iki kigo bavuga ko ikibazo kidakemuwe vuba abana bahiga bashobora kuhakura indwara ziterwa n’umwanda.

Lucien KAMANZI/Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza