Warning: imagejpeg(local/cache-vignettes/L439xH330/arton12294-0b223.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Minisante isanga ibyatumye Kiliziya ihagarika kuboneza urubyaro mu mavuriro yayo ari urwitwazo .|. Makuruki.rw | Amakuru Asesenguye!

Minisante isanga ibyatumye Kiliziya ihagarika kuboneza urubyaro mu mavuriro yayo ari urwitwazo

Inyubako ikoreramo Minisiteri y’Ubuzima

Ministeri y’Ubuzima iravuga ko kuba Kiliziya Gatulika yarafashe icyemezo cyo guhagarika serivisi zo kuboneza urubyaro zakorerwaga mu bigo nderabuzima ndetse n’ibitaro byayo ishingiye kuba bigira ingaruka ku buzima bw’abazihabwa ngo atari byo.

Kiliziya Gatulika iherutse gutangaza ko nta serivisi zo kuboneza urubyaro mu buryo bwa kizungu zizongera gutangirwa mu bigo nderabuzima ndetse n’ibitaro byayo byose mu Rwanda.

Imwe mu mpamvu Musenyeri Phillipe Rukamba uvugira Kiliziya Gatulika yatanze harimo kuba iyi miti yo kuboneza urubyaro igira ingaruka ku buzima bw’abaturage bayikoresha bityo bo bakaba bashyigikiye kuboneza urubyaro hakoreshejwe uburyo bwa kamere gusa.

Umuvugizi wa Minisiteri y’Ubuzima Kayumba Malik yatangarije Makuruki.rw ko kuba Kiliziya Gatulika yaravuze ko imiti yo kuboneza urubyaro igira ingaruka ku bayikoresheje atari byo, kuko ngo ari ibisanzwe ko imiti iyo ari yose ishobira kugira ibyo ihindura ku wayinyoye ariko biravurwa.

Yagize ati “Biriya bavugaga by’ingaruka nyuma yo kunywa imiti mu by’ukuri ntazo, yego buri muntu aba afite ukuntu umubiri we wakira ibintu niyo yaba ari paracetamol, ariko iyo bibaye asubira kwa muganga bakabikosora, bashobora kumuhindurira cyangwa se bakamuvura bikarangira.”

Kayumba akomeza avuga ko n’ubwo iyi gahunda yo kuboneza urubyaro mu buryo bwa kizungu yakuwe mu mavuriro ya Kiliziya bitazabangamira gahunda yo kuboneza urubyaro kuko ahatari ibigo nderabuzima bya leta hari Postes de sante n’abajyanama b’ubuzima bafasha abakeneye izo serivisi.

Yagize ati “Ntabwo bisubiza inyuma gahunda yo kuboneza urubyaro kuko dufite Postes de sante tukagira n’abajyanama b’ubuzima bose bazajya bafasha abakeneye izo serivisi.”

N’ubwo Minisante ivuga ko yiringiye abajyana b’ubuzima na poste de sante mu kuziba icyuho cyatewe n’icyemezo cya Kiriziya Gatulika, kugeza ubu poste de sante ziracyari nke ndetse n’abajyanama b’ubuzima ntabwo bafite ububasha bwose ku buryo butandukanye bwifashishwa mu kuboneza urubyaro.

Minisiteri y’Ubuzima iri gutegura inama izayihuza n’inzego zitanduakanye zifite aho zihuriye n’ubuzima mu rwego rwo gushaka umuti urambye w’iki kibazo.

Yisangize Inshuti.

Ibitekerezo

Tanga Igitekerezo