MINEDUC yatangaje gahunda izakurikizwa abanyeshuri bajya mu biruhuko

1

Mu rwego rwo korohereza Abanyeshuri bajya mu biruhuko ndetse no kwirinda ingaruka zigenda ziterwa no kutaha mu kavuyo ko kubura imodoka n’ubwinshi bw’abanyeshuri yashyizeho uburyo bwo gutaha buzaborohereza.

Nkuko byashyizwe ahagaragara mu itangazo ry’iyi Minisiteri abanyeshuri bazataha ubwo hazaba hasozwa igihembwe cya gatatu cy’ umwaka w’amashuri 2016 aho kizasozwa kuwa 03 Ugushyingo 2016.

Kuri tariki ya 01 Ugushyingo 2016 hazataha abanyeshuri biga mu bigo by’amashuri biri mu turere twa Nyanza, Huye, Kamonyi na Muhanga mu Ntara y’amajyepfo, Rusizi na Nyamasheke mu Ntara y’Iburengerazuba na Nyarugenge , Kicukiro , na Gasabo mu Mujyi wa Kigali.

Ku itariki ya 02 Ugushyingo hazataha abo mu turere twa Ruhango, Gisagara, Nyaruguru na Nyamagabe mu Ntara y’Amajyepfo ndetse na Karongi, Rutsiro , Ngororero , Rubavu na Nyabihu mu Ntara y’Iburengerazuba.

Naho tariki ya 03 Ugushyingo 2016 hazataha abanyeshuri biga mu bigo by’amashuri byo mu Ntara y’Amajyaruguru n’iy’Iburasirazuba.

Abayobozi b’Ibigo by’amashuri, abayobozi b’Uburezi ku turere ndetse n’abashinzwe uburezi mu mirenge barasabwe gukurikiranira hafi iby’ingendo z’abanyeshuri

Yisangize Inshuti.

Ibitekerezo 1

Tanga Igitekerezo