Leta ya Kenya yategetse kaminuza 2 zikorera mu Rwanda gufunga

3

Leta ya Kenya yategetse ko kaminuza ya Jomo Kenyatta University of Agriculture and Technology na Kenyatta University zikomoka muri icyo gihugu zakoreraga mu Rwanda na Tanzaniya ko zifunga.

Ibi byamenyekanye ubwo Komisiyo ishinzwe za Kaminuza muri Kenya ibujije izi kaminuza kongera kwandika abanyeshuri bari kuzatangira kwiga muri Nzeri 2017, nyuma ya raporo yagaragaje ko batanga ireme ry’uburezi riri hasi.

Hahagaritswe kaminuza 19 harimo ebyiri zo muri Kenya ari zo Kenyatta University na
Jomo Kenyatta University of Agriculture and Technology n’imwe yo muri Uganda.

Umunyabanga wa Leta Ushinzwe Uburezi muri kenya Fred Matiang’I yasabye ubuyobozi bw’izi kaminuza zifite ibyicaro i Arusha muri Tanzaniya n’i Kigali mu Rwanda kuzifunga.

Umuyobozi wungirije wa Kenyatta University Paul Wainaima yemeje ko biteguye gufunga amashami yabo ari mu Rwanda no muri Tanzaniya.

Jomo Kenyatta University of Agriculture and technology yari isanzwe iri muri kaminuza zafungiwe amwe mu masomo na Minisiteri y’Uburezi mu Rwanda bitewe no kuba hari ibyo atujuje.

Kenyatta University yari yarashoye asaga miliyoni 3,7$ mu gutangiza ishami ryayo mu Rwanda, mu gihe yari yarashoye ibihumbi 530$ mu gutangiza ishami ryayo muri Tanzaniya.

Jomo Kenyatta University of Agriculture and technology yashoye ibihumbi 201$ kugira ngo itagire gukorera mu Rwanda muri 2012, itangiza ibihumbi 100$ kugira ngo ikorere muri Tanzaniya muri 2010.

Perezida wa Tanzaniya John Pombe Magufuli yakiriye neza icyi cyemezo cya Kenya yemeza ko biri mu gushakira ineza abanyeshuri bo muri Tanzaniya.

Source: The East African

Yisangize Inshuti.

Ibitekerezo 3

  1. Nimba ari kudasobanukirwa neza ,
    Ikinyarwnda impamvu nyamukuru batumye bugara izokaminuza ntayo ntahukiwe neza.

    Sinzi rero ico bazihagarikiye

  2. Nimba ari kudasobanukirwa neza ,
    Ikinyarwnda impamvu nyamukuru batumye bugara izokaminuza ntayo ntahukiwe neza.

    Sinzi rero ico bazihagarikiye

Tanga Igitekerezo