Ku nshuro ya 3, EMVTC Remera yasohoye intiti mu gukanika ibinyabiziga

Ishuri ryigisha gukanika ibinyabiziga EMVTC Remera ryo mu Murenge wa Remera, kuri iki cyumweru tariki 14 Kanama 2016, ryahaye impamyabushobozi abanyeshuri barirangijemo ku nshuro ya gatatu, ubuyobozi bw’iri shuri bukavuga ko bwishimira ko hari bimwe mu bikoresho bakuraga hanze ariko ubu basigaye bikorera.

Abanyeshuri 260 bahawe impamyabushobozi, barimo abize imyaka 3, abize umwaka umwe ndetse n’abize amezi atandatu.

Nshimiye Jacques umuyobozi w’iri shuri avuga ko iri shuri ryakomeje gutera imbere kuva ryatangira mu mwaka wa 2013 kandi ngo abanyeshuri bakaba batanga umusaruro ku isoko ry’umurimo.

Uyu muyobozi kandi avuga ko imbogamizi zagiye zigabanuka kuva aho batangiriye kwikorera bimwe mu bikoresho ubundi bakuraga hanze.

At:”Icyo twishimira ni uko ishuri ryakomeje gutera imbere, abanyeshuri bakaryitabira kandi no ku isoko ry’umuriro bakagaragaza umusaruro bagatsinda. Imbogamizi si nyinshi ahubwo ubu twishimira ko ubu hari ibikoresho twikorera kandi mbere twarabitumizaga mu bihugu byo hanze ibyo bikoresho ni zo mbogamizi twagiraga.”


Nshimiye Jacques umuyobozi w’iri shuri

Ndahiro Andrew umuyobozi ushinzwe guteza imbere ireme ry’uburezi mu kigo cy’igihugu gishinzwe amashuri y’imyuga n’ubumenyingiro (WDA), avuga ko umusaruro w’iri shuri ugaragaza ko abanyarwanda bamaze gukanguka babona ko imyuga yatunga abantu.

Ati:”Ubu imyuga yarahindutse abantu batangiye kubona ko ishuri ry’imyuga ryatunga abantu kandi nabayarangiza batubera aba ambasaderi beza kuko bagaragaza ko imyuga yatunga abantu.”


Ndahiro Andrew umuyobozi ushinzwe guteza imbere ireme ry’uburezi muri WDA

Abanyeshuri barangije muri iri shuri baganiriye na Makuruki.rw bavuze ko ubumenyi bakuye muri iri shuri buzabafasha ku isoko ry’umurimo. Abenshi muri bo babwiye umunyamakuru wacu ko bamaze kubona akazi kandi ko bitwara neza bifashishije ubumenyi barikuyemo.


Abanyeshuri 260 ni bo barangije muri iri shuri

Iri shuri ryatangiye kwigisha imyuga yo gukanika ibinyabiziga mu mwaka wa 2013, ndetse ubu rimaze kurangizamo abanyeshuri 600 muri iyo myaka 3 bamaze bigisha.

Yisangize Inshuti.

Ibitekerezo

Tanga Igitekerezo