Abiga muri UR bababajwe no kumva ubahagarariye abaza Perezida ikibazo kireba inyungu ze

32

Ndayisaba Eustache uhagarariye abanyeshuri biga muri Kamunuza y’u Rwanda.

Bamwe mu banyeshuri biga muri Kaminuza y’u Rwanda bababajwe no kumva umuyobozi ubahagarariye atumirwa kuganira na Perezida akabaza ikibazo kimwe kireba inyungu ze gusa aho yasabye Perezida kumuha abantu bamukurikirana akazaba umuyobozi ukomeye.

Mu kiganiro Perezida wa Repubulika Paul Kagame yagiranye n’abanyarwanda binyuze kuri RBA kuri uyu wa 25 Kamena, abantu batandukanye bahawe umwanya wo kubaza ibibazo mu rwego rwo kugaragaza ibitagenda neza mu nzego zitandukanye kugirango bikosorwe.

Mu cyumba cyabereyemo iki kiganiro, hari abatumirwa bari batumiwe kugirango babaze ibibazo bibangamiye abo bahagarariye cyangwa batange ibitekerezo byateza imbere abo bahagarariye. Umuyobozi w’abanyeshuri biga muri Kamuniza y’u Rwanda Ndayisaba Eustache na we yahawe umwanya ngo abaze ibibazo nk’umuntu uhagarariye ibihumbi byinshi by’abanyeshuri biga muri kaminuza.

Abanyeshuri ahagarariye baba bafite ibibazo byinshi bibangamiye imibereho yabo nk’ibijyanye na buluse, ireme ry’uburezi, gukurirwaho amafaranga ya sitaje, gukurirwaho amafaranga y’ubushakashatsi kubari mu myaka isoza, imbogamizi mu kwimurwa kwa buri munsi, abagorwa no kubona aho bakorera sitaje, abagorwa no kubona amacumbi hanze ya kaminuza, abagorwa no kubona akazi nyuma yo kurangiza, n’ibindi bitandukanye.

Uyu musore ubwo yahabwaga umwanya wo kubaza ikibazo Perezida Kagame, yagize ati: “Turabizi ko mubyina muvamo, ariko aho mukura ikirenge ni ho tugishinga….Nk’urubyiruko ruhagarariye abandi mu mashuri makuru na kaminuza dukunze kwitwa ba Guild President, tuba turi mu mwanya mwiza wo kuba abayobozi ndetse duhura n’urubyiruko aho tubana na rwo tukamenya ibibazo bitandukanye bafite,…ni umwanya mwiza ugaragaza ko tuba twinjiye muri politiki, ariko akenshi iyo tuvuye mu nshingano dusoje amashuri bisa nkaho inshingano twabayemo zo kuyobora zibagirana, nta buryo bwo kudukurikirana ni na gakeya cyane usanga tubona imyanya mu buyobozi butandukanye…[bahise bamwaka umwanya]”

Perezida Kagame yahise amusubiza amubwira ko umwanya arimo umwemerera kwikurikirana akagera ku ntera yifuza kugeraho.

Ati: “Gukurikiranwa? Uburyo bwa mbere bwabaye ko uri mu ishami ry’ubuvuzi, uri umuganga, wamaze kuba umuyobozi, byonyine kuba uri umuganga buriya uri umuyobozi, n’aho uzajya kuvura uzasanga uyobora abantu mu kigo runaka cyangwa mu ishami ukuriye. Ndacyashaka uko nagusubiza neza, ikurikiranwa rikwiriye kuba ribaho? Iyo bakugejeje hariya baguhaye ibyangombwa, uri umuganga, uri n’umuyobozi wa bagenzi bawe, uko bigenda, hariya ni wowe ukwiye kwikurikirana.”

Abanyeshuri bumvise iki kibazo batashatse ko amazina yabo agaragara bavuze ko umuntu uhagarariye abanyeshuri bose biga muri kaminuza atari akwiye kubaza ikibazo kireba inyungu ze gusa kandi hari ibibangamiye ubuzima bw’abo ahagarariye cyane ko na we yavuze ko azi ibibazo byabo.

Umwe muri bo wiga ubwubatsi yagize ati: “Yabuze kutubariza uko twakoroherezwa kubona sitaje turangije kwiga, ajya kubaza uko azaba umuyobozi ukomeye? Ese ubundi umuntu uyobora ibihumbi bisaga 30 arashaka iki kindi? Nakoreshe umwanya arimo nkuko yavuze ko ari mwiza ubundi azagere aho ashaka.”

Undi na we yagize ati: “Kiriya kibazo cyadutunguye, yari akwiye kubaza icyatuma imibereho y’abo ayoboye ihinduka, ntabwo wayobora abantu ngo nugera imbere ya Perezida umusabe ibitari mu nyungo z’abo uhagarariye. Ndatekereza ntawamutuma kubaza biriya.”

Aba banyeshuri bavuga ko ubutaha byajya biba byiza ko igihe umuyobozi ubahagarariye abonye amahirwe yo guhura n’abayobozi bakomeye yajya akorana inama n’abo bafatanya kuyobora bakabanza bakareba ibibazo bihangayikishije abanyeshuri bakabyandika bakabibaza mu izina ryabo.

Uretse abo twaganiriye, abandi ku mbuga nkoranyambaga na bo bagaragaje kwijujutira kuba birengagijwe n’ubahagarariye ntavuge imbogamizi n’ibibazo bibabangamiye kandi yari abonye umwanya mwiza wo kubigaragaza umukuru w’igihugu.


Hari abari batumiwe ahabereye ikiganiro cyahuje Perezida Kagame n’abaturage.

Yisangize Inshuti.

Ibitekerezo 32

  1. arko rwose Guild wacu asa naho yari afite ikibazo ukuntu pe!! nigute aho yakabajije ikibazo kiri rusange kubanyeshuri Bose abaza inyungu ze kdi kugirango agree hariya aritwe abikesha!!! rwose estashe we wisubireho pe!

  2. Arko rero aka nakumiro koko umuntu nkawe ubashe upfushe ubusa amahirwe yabantu ibihumbi 30 baba babonye kibura ngo kimwe mubibazo ibihumbi dufite kibe cyakemuka nurangiza ubaze ibintu bisuzuguritse nkibi koko.ngo harya urashaka gukurikiranwa ubwose urabona wazavamo muyoboze bwokoki.naba usanga bajya kubuyobozi ugasanga bazambije ibintu.cyakora waratubabaje kabisa

  3. Arko rero aka nakumiro koko umuntu nkawe ubashe upfushe ubusa amahirwe yabantu ibihumbi 30 baba babonye kibura ngo kimwe mubibazo ibihumbi dufite kibe cyakemuka nurangiza ubaze ibintu bisuzuguritse nkibi koko.ngo harya urashaka gukurikiranwa ubwose urabona wazavamo muyoboze bwokoki.naba usanga bajya kubuyobozi ugasanga bazambije ibintu.cyakora waratubabaje kabisa

  4. Ubwo nyine arashaka ubuyobozi ariko umuyobozi mwiza ni uba umugaragu wabamutumye koko nokuvuga ko kabourse arigake byaramunaniye ?namusaba guhita yegura kabisa!!!

  5. Ibyo birashik mushobora kumutora nkimuhanga mwishuri ariko ntabwenge kavukire afite kandi nyakubahwa president yamubonye nkuhagarariye imbaga abaza kiriya kibazo ntabwo yavamo umuyobozi mwiza pi

  6. Ibyo birashik mushobora kumutora nkimuhanga mwishuri ariko ntabwenge kavukire afite kandi nyakubahwa president yamubonye nkuhagarariye imbaga abaza kiriya kibazo ntabwo yavamo umuyobozi mwiza pi

  7. 1 | 2 | 3 | 4

Tanga Igitekerezo