Warning: imagejpeg(local/cache-vignettes/L463xH317/arton12492-0bec8.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Gisagara: Abari banze kwiga ngo isabato ntiyubahirizwa bavuye ku izima .|. Makuruki.rw | Amakuru Asesenguye!

Gisagara: Abari banze kwiga ngo isabato ntiyubahirizwa bavuye ku izima

5

Ubuyobozi bw’Ushuri Nderabarezi rya Save (TTC Save) buravuga ko abanyeshuri umunani basengera mu itorero ry’abadivantusiti b’umunsi wa karindwi bari baranze kwiga ngo isabato yubahirizwe, bagarutse kwiga ndetse bakaba baremeye kugendera ku mategeko y’ikigo.

Kuwa 19 Nzeli 2016 nibwo Makuruki.rw yanditse inkuru ku banyeshuri 8 biga mu muwaka wa 6 mu ishuri nderabarezi rya Save bavugaga ko amategeko y’ikigo ababuza uburenganzira bwo kubahiriza isabato, bakaba bari barahisemo kuva muri iryo shuri bakazagaruka baje gukora ibizamini bya Leta gusa.

Umuyobozi w’Ishuri nderabarezi rya Save Frère Nsabimana Egide yabwiye Makuruki.rw ko ishuri ayoboye riha umwanya ungana amadini yose ndetse batabuza abadivantisiti kubahiriza isabato kuko bagenerwa amasaha yo kuyitangira ndetse no kuyisoza, ahubwo ngo abo banyeshuri bagumuwe n’igitabo kitwa “Intambara ikomeye” batangiye gusoma.

Nyuma yo kuganirizwa n’ubuyobozi, ngo abo banyeshuri bafashe umwanzuro wo kugaruka ku ishuri.

Frère Nsabimana Egide yavuze ko mu banyeshuri 8 bari baravuye mu kigo, barindwi bagarutse naho undi umwe yasubiye iwabo kubera ikibazo cy’amafaranga y’ishuri.

Yagize ati “ Mu banyeshuri 8 ubu 7 bari kwiga uretse umwe wasubiye iwabo kubera ikibazo cy’amafaranga y’ishuri.”

Muri aba banyeshuri harimo abazanye ababyeyi babo bakorana inama n’umuyobozi wungirije w’akarere ka Gisagara ushinzwe imibereho myiza y’abaturage, abatarabazanye basabwe kuzabazana na bo bakavugana n’ubuyobozi bw’Akarere.

Nk’uko bitangazwa n’ubuyobozi bwa TTC Save , ngo aba banyeshuri bazakurikiza amategeko nk’ay’abandi, aho ku isabato bazajya batangira gusenga kuva saa kumi n’ebyiri n’igice kugera saa mbili n’igice za mugitondo.

Kuva saa mbili n’igice kugera saa tanu za mugitondo hakaba ugusubira mu masomo nyuma hakaba imirimo y’isuku, irangira abanyeshuri bajya mu byabo, saa kumi n’ebyiri z’umugoroba kugera saa moya n’igice abadivantisiti bagasubira gusoza isabato nkuko byari bisanzwe.

Yisangize Inshuti.

Ibitekerezo 5

  1. icyo mbabwiye cyo ukuri ntikujya gutsindwa.niba ibyo muvuze ari ukuri bakaba banamutse ntabwo ari ukuri kwatsinzwe ubwo batsinzwe kugiti cyabo kd ukuri ntigutinda abarwanya ukuri bazageraho babone ukuri kuko ntikwihishira.

  2. icyo mbabwiye cyo ukuri ntikujya gutsindwa.niba ibyo muvuze ari ukuri bakaba banamutse ntabwo ari ukuri kwatsinzwe ubwo batsinzwe kugiti cyabo kd ukuri ntigutinda abarwanya ukuri bazageraho babone ukuri kuko ntikwihishira.

  3. Aba bana bagomba kugabanya ubuhezanguni mu myemerere. Bamwe mu banyamadini baradushuka amadini siyo azaduteza imbere si nayo azatujyana mu ijuru.

  4. Muri TTC SAVE Narahize hagira gahunda nziza kd nukuri amadini yose abona umwanya kuko igihe cyo gusenga nu gusenga naho igihe cyo kwiga nukwiga , gahunda zirakurikizwa , harakabaho ibigo byaba frere mariste

Tanga Igitekerezo