Ngo ababazwa nuko Kagame amugaburira, bakabimwamburira mu ntoki

Sibomana Evaritse umusaza w’imyaka 82 n’ibiri utuye mu Murenge wa Gatenga mu Karere ka Kicukiro mu mujyi wa Kigali yavuze ko ababajwe n’uko abazasa n’abakecuru b’aho atuye batitabwaho ariko kandi ngo n’inkunga yingoboka bagenerwa ntibagereho.

Uyu musaza uvuga ko afite imyaka 82 avuga ko igihe agezemo atagishoboye kwikorera kandi nyamara akeneye kurya. Avuga ko yakoreye igihugu agaharura imihanda mu gihe cyo kuyihanga mu gihe cyabo, akibaza impamvu we n’urundi rungano rwe rutitabwaho.

Mu muganda usoza ukwezi kwa cyenda, Sibomana Evariste yavuze ko ababazwa n’uko inkunga y’ingoboka bagenerwa na Perezida Kagame yita umubyeyi itabageraho.

Mu magambo arimo uburakari yagize ati “Ikibazo rero mfite, batugeneye amafaranga y’ingoboka abasaza, barayatwambura. Bayatwamburiye iki kandi umubyeyi yarayaduhaye. N’icyo mfite umubyeyi arangaburira mukakinyamburira mu ntoki koko?”


Muzehe Sibomana Evaritse

Sibomana asaba ko abantu bakuze nabo bahabwa ibyiciro bagafashwa nk’uko ngo n’abandi batishoboye babifite.

Ati:”Abamugaye bafite ibyiciro barimo, ab’abakene bafite uruhande barimo mbese abantu batishoboye bose bafite ibyiciro barimo ariko nabuze icyiciro cy’abakecuru n’abasaza. Ubu nta basaza tugira kuri uyu musozi, nta bakecuru tugira ? Ubuse ngo ni uko mpagaze aha nambaye aka gakoti, uwampa igiceri cya makumyabiri ntabwo nagifata.”

Bayingana Emmanuel, Umuyobozi w’Akarere ka Kicukiro wungirije ushinzwe imibereho myiza yasubije Sibomana ko gutanga inkunga y’ingoboka bifite amategeko abigenga, ko ihabwa umuntu uyikwiye ariko kandi amubwira ko niba yararenganye afite amezi abiri yo kujurira.

Ati:”Inkunga y’ingoboka ihabwa abatishoboye umwe uba uri muri ba bandi bavuga ngo atayibonye ntiyaramuka, muzehe ambwiye ko afite imyaka 82 ashobora kuba afite ibintu yakoze agishoboye, ibyo rwose biragenda bimuvana muri ya nkunga y’ingoboka. Hari amabwiriza yo gutanga inkunga y’ingoboka ihabwa wa muntu utagira na mba kandi byakozwe neza kandi hano muri Gatenga ndabizi ko byakozwe neza ariko niba hari aho warenganye ufite amezi abiri yo kujurira..”


Bayingana Emmanuel, Umuyobozi w’Akarere ka Kicukiro wungirije ushinzwe imibereho myiza

Muzehe Sibomana avuga ko ashaje atashobora no korora inka kuko muri gahunda ya Girinka munyarwanda yahawe inka ariko akayanga kuko atashobora kuyorora, ngo yanga kuvutsa amahirwe abandi bayishoboye kandi we atayishoboye ashobora kuyijyana ikamupfiraho.

Yisangize Inshuti.

Ibitekerezo

Tanga Igitekerezo