Kwamamaza

IJWI RY’UMUTURAGE

Abirukanywe muri Tanzaniya batujwe i Gatore barasaba gushyirwa muri VUP

Yanditswe

kuya

Abirukanywe muri Tanzaniya batujwe i Gatore barasaba gushyirwa muri VUP

Abagize imiryango 10 y’abanyarwanda birukanywe muri Tanzaniya, batujwe
mu kagari ka Rwantonde, umurenge wa Gatore, mu karere ka Kirehe barasaba ubuyobozi ko bwabashyira muri gahunda y’abahabwa akazi mu mirimo y’amaboko muri gahunda ya VUP, kugira ngo bibafashe kwiteza imbere.

I Rwantonde mu mudugudu wa Mumeya ni ho hatujwe imiryango 10 y’abanyarwanda igizwe n’abagore , abagabo n’abana birukanywe muri Tanzania.

Imyaka igera kuri ine irashize bahatujwe aho ubu bose bamaze kubonerwa amacumbi, ndetse mu kibanza, inzu ya buri muryango yubatswemo, hagaragara imyumbati itoshye, icyakora itaragera igihe cyo kwera.

Aba banyarwanda birukanywe muri Tanzaniya baganiye na Makuruki.rw barimo Rubanda Bosco, Uwizeyimana Meresiyana, na Nsengumuremyi James, bose bagaragaza ko ubuzima butaboroheye, kandi ngo bashyizwe mu cyiriro cya kabiri cy’ubudehe.

Aba baturage basaba ko bahabwa imirimo yamaboko muri VUP cyangwa bagafashwa mu bundi buryo ngo kuko ntacyo bushobozi bwo kwita ku miryango yabo bafite.

Iyamuremye Antoine, Umunyamabanga Nshingwabikorwa w’umurenge wa Gatore mu Karere ka Kirehe avuga icyifuzo cy’uko abagize iyi miryango 10 y’abanyarwanda birukanywe muri Tanzaniya bashyirwa muri gahunda y’abahabwa akazi mu mirimo y’amaboko cyakiriwe.

Yavuze ko abafite imbaraga muri bo basabwa kubimenyesha ubuyobozi maze mu bikorwa biteganyijwe gukorwa muri gahunda ya VUP muri uyu mwaka wa 2017-2018, nabo bakabonamo akazi. Anibutsa ko atari ihame ko abantu bari mu cyiciro cya 1 cy’ubudehe, ataribo gusa bahabwa akazi mu buryo bwa VUP.

Lucien KAMANZI/Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza