Ubushinwa:Hari gukorwa Gari ya moshi izajya yitwara

Ikoranabuhunga rirakataje mu ngeri zitandukanye.Mu gihugu cy’Ubushinwa hatangijwe umushinga wo gukora Gari ya moshi itagira umushoferi.

Nubwo ama sosiyete akora imodoka ari menshi yatangaje ko ari gukora imodoka zitwara, sosiyete yitwa CRRC yagize igitekerezo inatangiza umushinga wo gukora gari ya moshi yitwara.

Iyi gari ya moshi ifite ibice bitatu bishobora gutandukanywa bitewe n’umubare w’abagenzi itwaye. Buri kizaba gifite ubushobozi bwo gutwara abantu barenga 100 kandi ifite bwo kugenda ibirometero birenga 140 ku isaha.Iki kinyabiziga kizajya kibasha no kugenda mu muhanda usanzwe wagenewe imodoka zisanzwe.

CRRC yavuze ko bajya kuzana uyu mushinga bari bagamije kurushaho koroshya ubwikorezi mu mijyi ndetse no kugabanya amafaranga akoreshwa mu kubaka imihanda yo munsi y’ubutaka.

Ubu umuhanda w’ino modoka urimo kubakwa mu mujyi wa ZHOUZHOU.

Biteganyijwe ko iyi modoka izakandagiza amapine yayo mu muhanda bwa mbere mu mwaka wa 2018.

Raoul Nshungu

Yisangize Inshuti.

Ibitekerezo

Tanga Igitekerezo