Facebook iri gukora uburyo umuntu azajya atekereza, ibyo atekereje bikiyandika

4

Sosiyete y’Ikoranabuhanga ya Facebook yatangiye umushinga ugamije kureba uburyo umuntu ashobora kujya atekereza gusangira n’abandi ibitekerezo bye, bikiyandika bitamusabye izindi ngufu.

Uyu mushinga ukigwaho watangajwe kuri uyu wa Gatatu n’ishami rishinzwe ubushakashasti muri Facebook, aho bifuza ko vuba aha byaba byatangiye kugeragezwa.

Ubu Facebook iri gukora software izajya ikorana n’ubwonko bw’umuntu, iyo software ikazajya ishyirwa mu mashini ibyo umuntu atakereje bigahita byiyandika mu mashini ako kanya.

Ubuyobozi bwa Facebook bwavuze ko nibura mu munota umwe, umuntu azajya abasha kwandika amagambo ijana. Uwo muvuduko wikubye inshuro zirenga eshanu k’uwo intoki za muntu zisanzwe zikoresha iyo ziri kwandika.

Software izajya ikorana n’akuma kayo gato kazajya gashyirwa mu muntu.
Regina Dugan ukuriye uwo mushinga yatangaje ko ari uburyo buzaba bworoshye kandi bukorohereza abantu kwandika.

Yagize ati “Ibi ntabwo ari ugushaka kwinjira mu bitekerezo byawe, ahubwo ni uburyo bwo kumenya ibyo wifuza kubwira abantu, noneho ukabyohereza mu ndiba y’ubwonko bwawe.Bizaba bimeze nko kuba ufite amafoto menshi noneho ugahitamo ayo wifuza koherereza inshuti zawe, ni ukuba ufite ibitekerezo byinshi, wowe ugahitamo bimwe muri byo utangaza.”

IKinyamakuru ScienceAlert cyavuze ko Ubu inzobere zirenga 60 ziri gukora kuri uyu muhsinga watangiye gutekerezwa mu mpera z’umwaka ushize.

Dugan avuga ko nta buryo bitazashoboka ngo kuko hari irindi koranabuhanga ryo gutumanaho ryagiye rigaragaza ko byakunda.

Uretse gutekereza ibyo utekereje byiyandika, Facebook iri no gukora undi mushinga wo gukora software, aho abantu bazajya bavugana bakoresheje uruhu rwabo n’iyo baba badahuje indimi.

Ubwo buryo nabwo buzakorana n’akuma kazajya gashyirwa mu muntu, noneho undi yagukoraho kakagusobanurira icyo ashatse kukubwira.

Facebook itanga urugero rw’umuntu uvuga ururimi rw’Ikimandarini ushobora kuganira n’undi uvuga Icyespanyolo kandi bakumvikana.

Ivuga ko nabyo nta kuntu itazabigeraho mu gihe n’abafite ubumuga havumbuwe uburyo bwo kuvugana bakoresheje amarenga.

Yisangize Inshuti.

Ibitekerezo 4

  1. abasenga nimusenge kuko igihe cyo kubaho cyo cyarangiye Daniel igic cya 2 nicya 7 habivuga neza, Yesu naze atwijyanire naho ubundi isi yarangiy.

  2. Attention nibihe vyanyuma!Soma Ivyahishuriwe Yohana harico ibivugako.Twame tugavye kuko tutazi umusi nisaha Yesu azagarukirako.

  3. Attention nibihe vyanyuma!Soma Ivyahishuriwe Yohana harico ibivugako.Twame tugavye kuko tutazi umusi nisaha Yesu azagarukirako.

Tanga Igitekerezo