Dr Nkundabakura yasobanuye uburyo ubwirakabiri bwica amaso y’uburebyemo imbonankubone

1

Kuri uyu wa Gatatu tariki ya 01 Nzeli 2016, habaye ubwirakabiri bw’ukwezi aho bwagombaga gutangira saa 8h 45 kugeza saa 12:22 , benshi bakoresheje amataratara yabugenewe cyangwa amazi,barebaga bakabona ubwirakabiri bucagase.

Ubwirakabiri bwaranzwe n’ukwezi kwaje hagati y’izuba n’isi bigatuma ku isi haba umwijima ugereranije n’igihe cy’izuba gisanzwe .Ibi byatumye ukwezi guhisha igice cy’izuba maze ku isi hagaragara urumuri ruke aribyo byitwa ‘Ubwirakabiri bw’ukwezi”.

Ibi kandi byatumye benshi biganjemo abakiri bato bahise babona ko ubusanzwe ukwezi kutagira urumuri ahubwo ari urumuri rw’izuba rukubita ku kwezi maze rukagaruka ku isi benshi bita “reflexion of the sun” mu rurimi rw’Icyongereza.

Dr Phenias Nkundabakura wigisha ubugenge muri Kaminuza y’u Rwanda ishami ry’Uburezi yatangaje ko izuba ari ikintu gifite ubushyuhe n’urumuri rwinshi.

Ryohereza imirasire igera kuri 40% by’urumuri rugaragara; 58% by’imirasire na 2% by’imirasire ya Ultra Vioret(UV).

Imirasire ya UV n’iya Infrared ntabwo igaragarira amaso y’abantu ariko ikaba igira ingaruka mbi cyane ku maso kuko yangiza imboni bikakuviramo guhuma.

Muri Kaminuza y’u Rwanda ishami ry’Uburezi yahoze ari (KIE) hari hateraniye abana bakiri bato basobanurirwa amavu n’amavuko y’ubu bwirakabiri, Dr Phenias Nkundabakura yavuze ko nta gitangaza kirimo ku bantu bakuru ariko ku bana bikaba byabakundisha siyansi.

Ubu bwirakabiri bukaba bwagaragaye mu bihugu bimwe na bimwe ku mugabane w’Afurika yo hagati mu gihe kigera ku masaha ane.


Abana barebera ubwirakabiri mu madarubindi yabugenewe

Dr NKundabakura Pheneas

Yisangize Inshuti.

Ibitekerezo 1

Tanga Igitekerezo