Bimwe mu byo utamenye kuri Zuckerberg washinze facebook ukubutse muri Afurika

3

Aherutse gusura igihugu cya Nigeriya, Amazina ye nyakuri yitwa Mark Elliot Zuckerberg, yavutse tariki 14 Gicurasi 1984, avukira i New York muri Leta zunze ubumwe za Amerika ubu akaba aba i Calfornia.

Elliot Zuckerberg akomoka mu muryango w’abantu bize (educated family) na ho ise umubyara yitwa Edward Zuckerberg, nyina akitwa Karen. Ababyeyi be bakaba ari abantu bakomakomeye. Avuka mu muryango w’abana bane ( Mark, Randi, Donna ndetse na Arielle).

Mark zuckerberg azwiho kandi kuba akunda ibizwi nka programming (gukoresha indimi z’umvwa na mudasobwa gusa ibizwi nka coding mururimi rw’icyongereza) aho yanahawe impano ikomeye mu buzima bwe na se umubyara y’igitabo kijyanye n’ibyo yihebeye byo gukora izo porogarame (programe), icyo gitabo cyitwa C++ for dummies.

Zuckerberg kandi mbere yo kubaka facebook yubatse ikitwa Zucknet cyafashaga abo mu muryango we cyane cyane papa we kohererezanya ubutumwa bugufi kubari murugo bose (instant messenger).

Bwambere, Zuckerberg yahawe akazi ubwo yari akiri mu mashuri y’isumbuye aho yakoze mu ruganda rwa Microsoft nyuma yo gukora ikizwi nka synapse. Iyi ni programe yakoreshwaga mu kuba wakumviriza umuziki ukamenya nyirawo mu gihe utari uzi uwayihimbye.

Niba ukoresha facebook Marck zuckerberg akaba ari inshuti yawe (friend on facebook) kuri urwo rubuga ntushobora kumufungira (block).

Urubuga rwa facebook rwashinzwe ku itariki 4 Gashyantare 2004.

Mark zuckerberg yatangiye gukundana bifunguye na Priscilla Chan muri 2003 akaba ari na we mugore we kugeza ubu bafitanye umwana umwe witwa Maxima Chan zuckerberg. Umugore wa zuckerber akomoka mu Bushinwa.

Nyuma y’imyaka 9 bakundana, bafashe icyemezo cyo kubana nk’umugore n’umugabo bakaba barakoze ubukwe tariki 12 Gicurasi 2012.

Nyuma y’umunsi umwe gusa facebook ishyizwe kumugaragaro, umugore we Chan ni umwe muri bake bari bamaze kuyifunguraho konte (account).

Mu bahanzi akunda kandi yemera harimo uwitwa Lady Gaga na Daft Punk, akoresha imbuga nkoranyambaga nka facebook yihangiye we ubwe ndetse na twiter aho afite abantu bamukurikira barenga 150,000.

Gusa igitangaje nuko amaze gutangaza ibyabaye (tweets) inshuro 19 gusa kuva yatangira kuyikoresha muri gashyantare 2009.

Marck Zuckerberg akaba yarize muri kaminuza ya Harvard University mu bijyanye n’ubumenyi kuri mudasobwa bizwi nka (Computer Science).

Yisangize Inshuti.

Ibitekerezo 3

Tanga Igitekerezo