Rusizi ishobora guhindura isura mu myaka 7 iri imbere Paul Kagame yongeye gutorwa

Umukandida wa FPR Inkotanyi yabwiye abanya Rusizi ko demokarasi na politike y’imiyoborere myiza u Rwanda rutabibuze ahubwo ngo icyo rubura ni amajyambere abizeza ko nibamutora Rusizi izahindura isura my myaka irindi iri imbere.

Ubwo yakomezaga ibikorwa byo kwiyamamaza mu murenge wa Gihundwe mu karere ka Rusizi Paul Kagame umukandida wa FPR Inkotanyi yabwiye abaturage b’aka karere ko u Rwanda rufite imiyoborere myiza

Yababwiye ko yariki ya 4 bagomba gutora FPR ko bazaba batora amajyambere ati:"Icyo tuzaba dutora ni ubumwe bukomeza ni amajyambere ni umutekano ni politike n’imiyoborere myiza ndetse ni inzira ya demokarasi yindi dukomeza guteza imbere. Ubundi demokarasi uko bisanzwe birumvikana ni iy’abantu kandi iyo abantu bahitamo uko bashaka kubaho bagahitamo nta nkomyi iyi niyo demokarasi dukurikiza itugejeje aha kandi muzi aho tuvuye."

Yakomeje agira ati :"Ubundi demokarasi cyangwa imiyoborere myiza ntabwo ari ibyo tubuze FPR cyangwa abanyarwanda muri rusanzwe kuyobora ni ibisanzwe. Icyo tubuze ni amajyambere abandi bafite demokarasi yabo nabo bafite ntabwo twabuze kumenya kuyobora neza kuyobora abantu mu buryo bifuza"

Paul Kagame yababwiye ko igisigaye ari ukubaka amajyambere ajyana n’iyo politike. ati :"Igisigaye ntabwo wagira politike itarimo ibikorwa biteza abantu imbere, naho kuyobora se byaba bivuze iki utayobora abantu mu bikorwa bibaha amajyambere bibaha umutekano byaba ari ukuyobora nyabaki?. Twe dufite politike nziza FPR yazanye mu myaka 23 ishize ndetse n’abandi banyarwanda bandi mashyaka ya politike twafanyije nabo barabishimye."

Akomeza abaganiriza yagize ati :"njya myumva ku Isi abantu bateye imbere, ikorana buhanga rihanitse mwumva abantu batakiba ku Isi bibera mu kirere bashakisha ubundi buzima ibyo rero natwe nibyo turwana nabyo kandi turi mu nzira kandi iyo abana bacu biga bagahabwa amahirwe niyo nzira yo kubigeraho."

Paul Kagame yabwiye abanya Rusizi ko bafite ibintu byinshi bakora bikabateza imbere ndetse bagafasha n’utundi turere ariko kandi ngo n’igihugu kizabafasha. Yongeye kwibutsa abanyarusizi ko bagomba kubanira neza ibihugu by’ibituranye.

Gusa ngo umutekano mucyeya uturuka muri ibyo bihugu ngo uzakomeza ngo bizakomeza gusubizwa inyuma ntihakire ikimenera mu buanyarwanda ngo kibangirize amajyambere bubaka. Yababwiye ko ibyiza by’u Rwanda abanyamahanga bakunda bazajya babibasangiza bagahahirana.

Ariko ngo ibyo byose bizaterwa n’uko bazatora tariki ya 4/8 ku musni w’amatora ati:"Itariki ya 4 ukwezi kwa Munani, ayo matora ni ugutora biriya byose navugaga kugirango mu myaka 7 iri imbere dushobore gukomeza gutera intambwe nziza mu bumwe mu mutekano mu majyambere n’ibindi byose u Rwanda rukwiriye."

Yababwiye ko ariyo nzira yo gutera imbere ati :" Maze banyarusizi rero mugacuruza mukunguka ,mugahinga mukeza ,mugatunga mugatumganirwa, mukubaka amahoteri. Hari amahoteri ajyenda azamuka yiruka andi agatinda turaza kubikurikirana ahari hoteli nini iri kuzamuka ni uko iri gutinda ariko turabikurikirana ni uko bigiye kuba ubwa kabiri ariko ubundi ariko turaza kubirebaho."

Yababwiye ko ari iyi hoteli ari n’ibindi bikorwa bizongerera umusaruro abaturage b’aka karere, yavuze kandi ko ikibuga cy’indege cya Kamembe nacyo kizakomeza gufasha abacuruzi ba Rusizi n’abandi bayikoreramo.

Yabasezeranyije ko mu myaka irindwi Rusizi izahindura isura. ati :"Nimutora nk’uko mubinsezeranya ndashaka ko mu myaka 7 tuzateze imbere Rusizi ihinduke ibe nziza birenze uko imeze uku."


Paul Kagame asuhuza abaturage

Yisangize Inshuti.

Ibitekerezo

Tanga Igitekerezo