Kwamamaza

AMATORA 2017

‘Ndifuza ko Rwamagana iba umujyi wa kabiri kuri Kigali, Kayonza ikaba intangarugero’ –Habineza

Yanditswe

kuya

na

Jean Paul Niyitanga
‘Ndifuza ko Rwamagana iba umujyi wa kabiri kuri Kigali, Kayonza ikaba intangarugero’ –Habineza

Dr. Frank Habineza, umukandida w’Ishyaka Riharanira Demukarasi no kurengera ibidukikije mu Rwanda, yavuze ko naramuka atorewe kuyobora u Rwanda, azateza imbere umujyi wa Rwamagana ukaba uwa kabiri kuri Kigali na ho Kayonza ikaba umujyi w’icyitegererezo kuko uhuza u Rwanda n’amahanga.

Ibi ni bimwe mu byo Frank Habineza yagarutseho kuri uyu wa 25 Nyakanga 2017 ubwo yari mu bikorwa byo kwiyamamariza umwanya w’umukuru w’igihugu mu matora azaba muri Kanama uyu mwaka.

Habineza yavuze ko yashimishijwe n’ubwitabire bw’abaturage baje kumwumva uyu munsi anavuga ko ashimira MINALOC kuba yarakebuye abayobozi b’inzego z’ibanze ikababuza gukora ibikorwa byose bikumira bamwe mu bakandida mu bikorwa barimo byo kwiyamamaza.

Habineza yavuze ko imijyi y’uturere twa Rwamagana na Kayonza ashaka kuyizamura ku buryo Rwamagana izaba umujyi wa kabiri kuri Kigali na ho Kayonza ikaba umujyi w’icyitegererezo.

Yagize ati: “Ndifuza yuko Kayonza yaba nziza kurushaho,.. kuko ni umujyi uri hagati, iyo ugiye i Bugande uca hano, wajya Tanzaniya ugaca hano, wazamuka n’i Kigali ugaca hano. Niyo mpamvu umujyi wa Kayonza tuzawuzamura ukaba nibura umujyi w’intangarugero, ariko na Rwamagana na yo tuzayizamura, turashaka ko nibura Rwamagana iba umujyi wa kabiri kuri Kigali, Kayonza na yo ikaba umujyi w’icyitegererezo.”

Yavuze ko ubwitabire bwagaragaye muri utu turere ndetse no muri Gatsibo na Bugesera, bwatumye bibagirwa akababaro batewe n’ibyababayeho bagiye mu turere twa Nyagatare na Kirehe.

Ati: “Nyuma yo kugirira ibibazo i Nyagatare aho badutwaye kwiyamamariza mu irimbi, no kujya mu Karere ka Kirehe aho baduteje abanyeshuri bakatunaniza mu kwiyamamaza ndetse bakaza no gukubita abantu bacu amabuye n’umucanga twari twababaye cyane ariko ubu nyuma ya Gatsibo, Rwamagana na Kayonza twongeye kwishima ko nibura ibintu bigenda biba byiza kandi dufite icyizere ko iyi ntara tuzayikuramo amajwi menshi.”

Yavuze ko Polisi iri mu iperereza ku bibazo abarwanashyaka b’ishyaka ayoboye bagiriye mu turere twa Kirehe na Nyagatare.

Ati: “Kirehe iperereza riracyakorwa polisi ibirimo dutegereje igisubizo cyabyo na Nyagatare dutegereje igisubizo kuko mwabonye ko batwoherereje n’abamotari hariya mu mujyi wa Nyagatare bakaza kutwitambika imbere, gusa turabona ko nyuma yuko MINALOC itanze ririya tegeko turabona hari ikintu cyahindutse, bikomeje gutya turabona ko demukarasi twifuza twayigeramo kuko twese turi abakandida, nidutorwa ntabwo tuzaba tuyobora Green Party gusa.”

Gusa Habineza yavuze ko nko mu karere ka Nyagatare batigeze bahiyamamariza kandi ngo ntibazigera bagasubiramo mu gihe cyose Meya w’aka karere na Gitifu wa Rwimiyaga bazaba bateregura nkuko Habineza yabisabye akimara kuvayo.

Ati: “Twebwe dutegereje ko babanza bakegura kugirango tuzasubireyo kwiyamamaza, abo dushaka ko begura ni Meya wa Nyagatare na gitifu wa Rwimiyaga.”

Kuri uyu wa gatatu tariki 25 Nyakanga 2017, umukandida Frank Habineza w’ishyaka Riharanira Demukarasi no kurengera Ibidukikije mu Rwanda azakomereza ibikorwa bye byo kwiyamamaza mu tuere twa Gicumbi na Kicukiro.



Habineza n’Umufasha we ubwo bari basesekaye mu Murenge wa Kigabiro mu Karere ka Rwamagana

Visi Perezida w’ishyaka Maombi Calline

Gitifu wa Kigabiro, Muhamya Amani ni we wakiriye Habineza mu Karere ka Rwamagana

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza