Mu myaka 7 iri imbere nta hantu nshaka kubona bwaki mu gihugu hose: Kagame

Nyuma yo kuva muri Ngoma na Kirehe umukandida wa FPR Inkotanyi Paul Kagame asoreje ibikorwa byo kwiyamamaza kuri iki cyumweru mu karere ka Rwamagana asezeranya abaturage iterambere rizakomereza kuryagezweho by’umwihariko ko azaca bwaki mu gihugu hose aho ikigaragara.

Paul Kagame yabwiye abanyarwamagana ko imyubakire y’u Rwanda igomba kuba ari ubudasa ati :”Banyarwamagana rero igihugu cyacu n’amateka yacu ibikorwa bizubaka igihugu cyacu bigomba kuba bifite ubudasa ntahandi wabisanga ariko ubudasa bushingira ku bufatanye bushingira ku bumwe bishingira ku bushake abanyarwanda bafite , twubake igihugu cyacu tugiteze imbere ndetse n’abatuziho amateka mabi bajye baza bibayobore icyabaye kugira ngo tube twaravuye aho bazi kugira ngo tugere baho turi.”

Yavuze ko aho u Rwanda rwerekeza ariho habereye abanyarwanda ati :”Aho turi n’aho twavuye ni ho habereye abanyarwanda, banyarwamagana rero mufite uruhare runini kugira ngo tugere kuri izo mpinduka, itariki 4/8 ni ibiduha andi mahirwe yo kugira ngo twongere gutera indi ntambwe mu majyambere yacu. Twongere imbaraga twongere ubumwe twongere umutekano twongere amajyambere.”

Yababwiye ko ibyo bisaba imbaraga za buri wese baba abakobhwa, abahungu, abagore, abagabo ndetse n’abasaza bakuzi bagatanga umusanzu bashoboye.

Yavuze ko imwe mu ntego ze mu myaka 7 iri imbere ari imibereho y’abana n’urubyiruko muri rusange ati :”Urubyiruko rwacu rukagira umuco rukagira agaciro tukaruha amashuri tugashyiraho amavurira iby’ubuzima bituma n’abana bacu bakura bafite ubuzima bwiza bigahera hasi. Bakagaburirwa neza bakagira ibitunga umubiri byiza , ubwenge burya butangira umuntu akivuga ibyubakwa mu mashuri ni ubumenyi.”

Yakomeje agira ati :”Ubwenge rero igishobora gutuma umuntu atabugira ni ukuntu avuka iyo adafite ibyatunze umubiri we ni yo umuhaye ubumenyi ntabwo bugenda neza. Ndashaka kuboneraho umwanya nkagaruka ku kintu mujya mubona abana bacu bafite za bwaki kubera kutarya neza . Ntaho dushaka kuyibona rwose ndabivuga ngira ngo mu myaka 7 iri imbere ni intego, tuzahera kuri ibyo aho bikiri abana barwaye bwaki kuko ubwo ntitwaba twubaka u Rwanda rw’ejo.”

Paul Kagame yongeye gushimangira ko ubufatanye bwa FPR n’indi mitwe ya politike avuga ko aribwo buzakomeza gufasha u Rwanda gutera imbere.

Yisangize Inshuti.

Ibitekerezo

Tanga Igitekerezo