Kagame, Habineza na Mpayimana ni bo bazahatana mu matora ya Perezida, ngo Diane Rwigara yasinyishije abapfuye

4

Abakandida batatu nibo bamaze kwemezwa na Komisiyo y’amatora ngo bazahatane mu matora ya Perezida ateganyijwe tariki 3 na 4 Kanama uyu mwaka.

Paul Kagame w’ishyaka FPR Inkotanyi, Frank Habineza w’ishyaka Green Party na Phillipe Mpayimana umukandida wigenga nibo bemejwe bidasubirwaho na Komisiyo y’amatora.

Diane Shima Rwigara, Mwenedata Gilbert na Sekikubo Barafinda Fred ibyangombwa batanaze nyuma yo gukorerwa isuzuma byagaragaye ko hari ibitari byo.

Prof Mbanda uyobora Komisiyo y’amatora yavuze ko nka Mwenedata yari afaite abantu 522 bamusinyiye kandi asabwa abantu 600.Yanavuze ko nta bamusinyiye mu Karere ka Burera kandi nibura agomba kugira abamusinyira 12 muri buri Karere.

Barafinda Sekikubo Fred ntabwo yemejwe kubera ko adafite umubare wa ngombwa w’abamusinyiye bashyigikira kandidatire ye.Komisiyo yatanagaje ko Barafinda yasinyiwe n’abantu 362 gusa, ndetse ngo hati uturere 18 adafitiye abamusinyiye.

Barafinda kandi ngo ntabwo yatanze icyangombwa cyerekana ko nibura umwe mu babyeyi be ari umunyarwanda w’inkomoko.

Diane Rwigara ntabwo yujuje imikono y’abantu 600 basabwa.Komisiyo yavuze ko ku ilisiti y’abasinyiye Rwigara Nshimyimana Diane mu Karere ka Gasabo hariho abantu babiri avuga ko bamusinyiye kandi barapfuye.

Komisiyo ivuga ko Umwe mu basinyiye Rwigara Diane yaguye mu bitaro bya Kibagabaga tariki ya 16.04.2016, ashyingurwa tariki ya 17.4.2016 mu irimbi rya Busanza.Diane kandi ngo yafatanije n’Umukorerabushake wa Komisiyo y’Igihugu y’amatora witwa Uwingabire Joseph basinyira abantu 26, ndetse ngo hari abantu 36 yagaragaje ko bamusinyiye kandi abakuye ku rutonde rw’abayoboke b’ishyaka PS Imberakuri.

Mu cyumweru gishize Komisiyo y’amatora yari yatangaje urutonde rw’agateganyo rw’abakandida.Icyo gihe Kagame na Habineza nibo bagaragaye ku rutonde nk’abujuje ibisabwa.

Komisiyo yari yasabye abatibonye ku rutonde kuba bujuje ibisabwa bitarenze tariki 6 Nyakanga.

Abakandida batatu bemejewe bagomba gutangira imyiteguro kuko mu cyumweru gitaha tariki 14 Nyakanga aribwo bagomba gutangira kwiyamamaza.

Yisangize Inshuti.

Ibitekerezo 4

  1. Iyo bamureka ubwo bufaranga bwe tukabunywera maze agataha yimyiza Imoso, Mwenesewabo we ntanakamiya yifitiye ariko azi imibare aragashahurwa, Abazungu bari bemeye kumuha, none kaput!

  2. None umuntu wiba imikono yabamusinyira igihugu yacyiba ibingana bite!?

    Pole kudufranga twe ataye mumuyaga atanga twa ruswa!

  3. Mu Rwanda turambiwe kabsa. Ama Technica turayarambiwe. Ndabona Ari intambara izadukiza aba perezida ba Africa. Kandi muzaba mureba. Banyarwanda duhaguruke twese icyarimwe twamagane ibibintu.

  4. 😂😂😂😂😂😂😂😂😂😂😂😂😂😂😂😂 ntacyo nakongera kuri. Iyi liste

Tanga Igitekerezo