Ibyatuma ijwi ryawe riba imfabusa n’imiziro yatuma udatora

Nubwo wamaze kuzuza ibyangombwa byose bikwemerera gutora umukuru w’igihugu, urasabwa kwitwararika mu gihe ukora amahitamo ukabikora wirinda ibyaribyo byose batuma ijwi ryawe riba imfabusa.

Abanyarwanda kuri uyu wa 03 na 04 Kanama bari mu gikorwa cyo gutora uzayobora u Rwanda muri batatu biyamamaje aribo Paul Kagame wa FPR-Inkotanyi, Dr Frank Habineza wa DGPR n’umukandida wigenga Phillipe Mpayimana.

Komisiyo y’Amatora iributsa abanyarwanda kwirinda amakosa mu gutora kuko bituma amajwi yabo abarirwa mu mfabusa.

Bimwe mu byatuma ijwi ryawe riba imfabusa harimo Gushyira urupapuro mu gasanduku k’itora ariko utatoye(utahisemo umwe mu biyamamaje), kwandika ibindi bintu bitajyanye n’icyo urupapuro rw’itora rwagenewe, gutora umukandida urenze umwe, gutora hagati y’abakandida babiri (kutagaragaza neza umukandida watoye), gukoresha ibimenyetso binyuranye n’ibyateganyijwe gukoreshwa mu matora (igikumwe cyangwa kuvivura), gushyira amazina yawe ku rupapuro rw’itora.

Komisiyo y’amatora kandi ibuza abantu bose kwifotorera mu cyumba cy’itora. Gusa umuntu ashobora kwinjirana icyuma gifotora ariko ntiyemerewe kwifotorera mu cyumba cy’itora. Ikindi kitewe ni ukwinjirana imbunda mu cyumba cy’itora.

Imiziro yatuma utemererwa gutora

Hari abantu batemerewe gutora bitewe nuko bafite imiziro itabibemerera, abo ni abantu bose bari munsi y’imyaka 18, abatari ku rutorwe rw’abemerewe gutora, impunzi, abari mu Rwanda ariko atari abanyarwanda, abantu bari muri gereza (bafunzwe), abahamijwe ibyaha runaka bagakatirwa n’urukiko kimwe n’abahamijwe ibyaha bya jenoside batararangiza ibihano.

Kuri ubu ibikoresho byifashishwa mu matora byamaze kugezwa kuma site y’itora atandukanye ndetse mu mahanga ho amatora ararimbanyije.


Urupapuro rw’itora rya Perezida wa Repubulika rya 2017.

Yisangize Inshuti.

Ibitekerezo

Tanga Igitekerezo