Kwamamaza

AMATORA 2017

Habineza yavuze ko natorwa azazana mu Rwanda uruganda rukora imodoka zidakoresha lisansi

Yanditswe

kuya

na

Jean Paul Niyitanga
Habineza yavuze ko natorwa azazana mu Rwanda uruganda rukora imodoka zidakoresha lisansi

Umukandida w’ishyaka riharanira demukarasi no kurengera ibidukikije Dr Habineza Frank yabwiye abaturage batuye mu Karere ka Ngoma mu Murenge wa Kibungo ko nibamutora azazana mu Rwanda uruganda rukora imodoka zidakoresha lisansi kandi agakemura ikibazo cy’imisoro myinshi abamotari basoreshwa.

Mu gicamunsi cyo kuwa 18 Nyakanga 2017 nibwo Frank Habineza yageze mu Karere ka Ngoma mu Ntara y’Iburasirazuba mu bikorwa bye byo kwiyamamariza gutorerwa umwanya w’umukuru w’igihugu.

Mapendo Gilbert uyobora umurenge wa Kibungo mu karere ka Ngoma ni we wakiriye umukandida w’Ishyaka Riharanira Demukarasi no kurengera ibidukikije mu Rwanda Dr Frank Habineza aho yiyamamarije kuri sitade Cyasemakamba.

Kuri iyi sitade hagaragaye ubwitabire bw’abaturage bake ariko ntibyabujije Habineza kubabwira ibyo yiteguye kubakorera nibamugirira icyizere bakamutora.

Mu byo yavuze harimo kuzana mu Rwanda uruganda rukora imodoka na moto zidakoresha lisansi.

Yagize ati: "Hari abantu bafite uruganda bemeye kudukorera imodoka zitanywa lisansi, ubu mu kwezi kwa cumi iyo modoka bamaze gukora bazaza kuyerekana i Bugande, twamaze kumvikana na bo ko bazahita bayizana na hano mu Rwanda, nituramuka twatsize uruganda nararubemereye. Tuzahita turushyira i Kigali, rudukorere imodoka zidasaba mazutu. Hari abantu bashobora kugirango ndabeshya, hari na moto zidasaba lisansi kandi n’izo modoka zirahari kandi n’uruganda nararubonye."

Avuga ko izo nganda niziza mu Rwanda zizabasha kongera akazi urubyiruko rukirangiza amashuri rukabona amafaranga.

Habineza yavuze kandi ko natsinda amatora abamotari bazaruhuka imisoro ituma badatera imbere.

Ati: "Buriya abamotari ni abantu ba mbere bagowe muri iki gihugu, bishyura imisoro igera kuri itanu, ugasanga nta mafaranga yacyuye. Nko mu bihumbi 5000 usanga asigaranye 1000 gusa andi yose akajya mu misoro, ...iyo misoro y’abamotari yose tuzayikuraho bishyure umusoro umwe ndetse n’abacuruzi bose bo mu Rwanda bazishyura umusoro umwe!"

Yavuze ko azafata neza ingabo zavuye ku rugerero akabaha amafaranga menshi yo kubabeshaho neza kandi ngo azakemura ikibazo cy’abahunga igihugu n’abavuga ko batavuga rumwe na Leta.

Yibanze kandi kuri gahunda zo guhindura politiki y’ubuhinzi mu rwego rwo guhashya inzara aho avuga ko azashyiraho gahunda yo kuhira imyaka mu bihe by’amapfa.

Kuri uyu wa 19 Nyakanga Habineza arakomereza ibikorwa bye byo kwiyamamaza mu karere ka Rulindo na Nyabihu.



Gitifu wa Kibungo niwe wahaye ikaze Green Party mu murenge ayoboye.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza