Gutora FPR n’umukandida wayo ni ugutora ibiha inkumi n’abasore ubuzima bwiza: P Kagame

Umukanda wa FPR Inkotanyi Paul Kagame yiyamaza i Nyamagabe yabwiye abaturage baho ko basezereye izina Abatebo ryashoboraga gutuma bayora ivu, avuga ko gutora FPR n’umukandida wayo ari byo bizabaha ibyiza byinshi birimo n’ubuzima bwiza bw’abasore n’inkumi.

Nyakubahwa Paul Kagame usanzwe ayobora u Rwanda yahageze nk’ibisanzwe afitiwe ubuzwu ndetse n’ibyishimo .

Yavuze ko ibyo barimo ari inzira bahisemo yo kubaka u Rwanda ati :”Uyu munsi rero ni bishya kandi si bishya, urebye ni ibisanzwe ni inzira isanzwe turimo inzira twahisemo yo kubaka igihugu cyacu yo kwiyubaka nk’abanyarwanda yo kwihitiramo ibihe biri imbere bibereye abanyarwanda.”

Yavuze ko abaturage ba Nyamagabe ubuzima bwabo bwahindutse ati:”Nyamagabe rero aho ivuye n’aho igeze, ubuhamya Chatal yatugejejeho aravugira ab’i Nnyamagabe hafi ya bose, we ni urugero gusa yatanze ariko birazwi ko muri Nyamagabe ku baturage hafi bose ubuzima bwabo bwahindutse.Ubuzima kuri bamwe bwarihuse guhinduka ariko no kubandi ubuzima bwarahindutse, wenda bwahinduste ku rugero rutangana ariko bwarahindutse urugero dufite rero ni uko ntawe ukwiye gusigara inyuma kandi tugabanye kiriya kinyuranyo kiri hagati y’abo ubuzima bwihuse n’abandi bukigenda buhoro.”

Yavuze ko tariki ya 4 /8 bagomba gutora FPR n’umukandida wayo kuko ariyo nzira yo kugera ku byiza. Ati:”Ubi rero turajya ku itariki 4/8 aribyo dutekereza, kuvuga ngo ninjya gutora ndatora FPR, ni ugutora umukandida wayo kuko ni byo bizaguha ko ubuzima buhinduka bukamera neza ,ni ugutora ibizaguha umutekano urambye.

....Ni ugutora ibizaguha gukorera amafaranga, ni ugutora ibizaguhera umwana kwiga akabona ishuri, ni ibizaha umwana wawe kuticwa n’indwara zitakica abantu. Ni ibizaha umasaza gusaza neza, ni ugutora ibiha inkumi n’abasore ubuzima bwiza buzira umuze bakagira ibyo bakora bibateza imbere na bo bagakorera hamwe bagateza igihugu imbere.”

Yavuze ko iyo ari yo migirire ya FPRA ati :”Ayo niyo mateka tumazemo iminsi ni yo mateka ya FPR- Inkotanyi ni yo mateka y’umukandida wayo. GUtora neza ni ugutora FPR, ni ugutora umukandida wayo kandi ntabwo ari ukwibeshya. Iyo ushaka kubyumva neza usubiza amaso inyuma gato nyine ari byo Chantal yatubwiye. Ari byo umuyobozi w’intara yatubwiye uyobora iki gikorwa cy’amatora hano n’ahandi hirya muturanye.”

Yakomeje agira ati:”Subiza amaso inyuma gato ngo babitaga iki harya?” ’abatebo’ muzi umugani w’agatebo? Kayora ivu kandi uwigize ko arariyora! ibyo aba Nyamagabe mwarabisezereye, ibyo abanyarwanda twese twarabisezereye ubu ni ukuyora amafaranga gusa, ariko ntabwo ayorwa n’agatebo ayorwa n’ibikorwa.
Yavuze ko iyi ariyo nzira ya FPR n’abandi bayobozi b’igihugu n’andi mashyaka yashyigikiye FPR kubera kudashaka kuba agatebo ngo bayore ivu."


Nyamagabe bishimiye ko Paul Kagame yabakijije agasuzuguro ko kwitwa abatebo

Yavuze ko ibikorwa remezo birimo amashanyarazi hari abo bitarageraho ariko ngo iyi myaka iri imbere bizitabwaho bikabageraho vuba.

Yisangize Inshuti.

Ibitekerezo

Tanga Igitekerezo