Baradutabye,baraduhambye ntabwo bari bazi ko turi imbuto zizashibuka: P Kagame

1

Umukandida wa FPR Inkotanyi yiyamaza mu karere ka Kamonyi yavuze ko abatabitse u Rwanda batari bazi ko hazavamo imbuto zera none zareze, yavuze ko inzira iri imbere ari iyo gukomeza gufata neza izo mbuto.

Mu ijambo yagejeje kuri aba banyakamonyi yiyamamaza Nyakubahwa Paul Kagame umukandida wa RPF- Inkotanyi yavuze ko aya matora ashingiye ku mateka .

Ati :”Banya Kamonyi rero ndagirango ibyo bavuze itariki 4/8, aya matora arimo byinshi ariko bishingira ku mateka yacu, amateka y’u Rwanda hari aho yagejeje igihugu cyacu ariko duhereye aho haje kuvamo n’ibyahinduye igihugu cyacu.

Yavuze ko amateka mabi u Rwanda rwagize ariyo yavuyemo imbuto zubatse u Rwanda

Ati :”Amateka mabi twagize haje kuvamo imyumvire ubushake, imbaraga aho tugeze ubu amahanga arashakisha kutwumva ntabwo aratwumva neza. Kubera ko uko muri hano uko abandi bari bari aho twahoze ukuntu abanyarwanda bari hamwe ukuntu biyumva ukuntu bashaka kubaka igihugu kuntu bashaka kwiyubaka ntabwo bisanzwe.

Niyo mpamvu bamwe mu bagize uruhare mu mateka mabi y’u Rwanda atari abanyarwanda batabyumva, baducukuriye urwobo badushyiramo baradutaba ntabwo bari bazi uko tuzamera. Hari umugani numvise wo mu bihugu hirya kure bavuga ngo baraduhambye , baradutabye ntabwo bari bazi ko turi imbuto zizashibuka.”


Kagame ati abadutabye ntibari bari ko tuzaba imbutu zizashibuka

Yakomeje agita ati :”Badushyize mu itaka rwose barakandagira barangije baradusezera bavu ngo murabeho, hanyuma abanyarwanda babaye imbuto baramera barashibuka barakura none abanyarwanda bari hano ni ubukombe ni amajigija."

Yavuze ko iki gihe Abanyarwanda barimo ari icyo gukomeza gukuza izo mbuto.

Ati :”Iki gihe turimo rero ni inzira igikomeza yo kwiyukaba yo gukura yo gukuza ibyashibutse duhitamo dukomeza inzira nziza ya politiki twatangiye imyaka 23 ishize aho tumariye gushibukira nibyo bigikomeza ariko ibyinshi byiza biracyari imbere.”

Yavuze ko ibyagezweho ari byinshi ariko ngo ibyiza kurushaho biri imbere ati ::”Bahoze bavuga amashanyarazi, nibyo amaze kwiyongera amaze kugera ku banyarwanda benshi ariko ntabwo turagera aho dushaka turashaka kwihuta, turashaka kujyana na buri wese. Muramfite nange nkabagira ubwo se icyatunanira cyaba ari iki nta na busa! turacyari kumwe rero turacyagendana rero.”

Yavuze ko ubu aho u Rwanda rugeze rutagikangwa n’ubonetse wese ndetse ngo n’abarushinyagurira ntibakandiraho.

Ati :”Na bariya bashinyaguzi mujya mwumva ntabwo bazadukandiraho, ntabwo bizasubira! baravuga gusa ariko ibikorwa ni ibi dushaka byo gukomeza gutera imbere. Abataraduhaga amahirwe abarushyize n’abarusize aho barusize bazabona ko badutabye ariko twari imbuto zishibuka zigakura zikagira ubuzima bwiza . Banya Kamonyi rero muri bamwe muri izo mbuto z’u Rwanda zose ! dushaka ko muzatora neza nyuma yaho tugakora tugateza imbere Kamonyi n’utundu turere twacu.”

Yabasabye ko umunsi w’amatora bazazinduka akazi kakarangira kare ati :”Itariki 4 rero ni ukuzinduka nihajya kugera saa sita umurimo ukaba wanoze hanyuma tukazakomeza kwishimira hamwe, kwishimira ibikorwa byiza, kwishimira kuba umwe no gukorana, kwishimira amajyambere tuzakomeza kubaka.”


Amafoto:Gaspard Karangwa

Yisangize Inshuti.

Ibitekerezo 1

Tanga Igitekerezo