Kwamamaza

AMATEKA

Ubuzima bw’Umuherwe Cyril Ramaphosa Perezida mushya w’Afrika uzwiho gukunda imodoka ziruka no kunywa inzoga zikomeye cyane

Yanditswe

kuya

na

Bikorimana Alexis
Ubuzima bw’Umuherwe Cyril Ramaphosa Perezida  mushya w’Afrika uzwiho gukunda imodoka ziruka no kunywa inzoga zikomeye cyane

Nyuma y’urugendo rurerure rwa Politike, Umuyobozi w’Ishyaka rya ANC, wari Vice-Perezida, Cyril Ramaphosa yatorewe kuba umukuru w’igihugu cya Africa y’Epfo asimbuye Jacob Zuma wegujwe n’Ishyaka rye kuri uyu wa 15 Gashyantare 2018.

Cyril Ramaphosa wari umaze igihe kitari gito yungirije Perezida, ni umugabo ukunda imodoka ziruka cyane, kunywa inzoga zikaze, kuroba no guhiga.

Cyril Ramaphosa uyoboye ishyaka riri ku butegetsi ANC (African National Congress), abarizwa mu bakire bakomeye muri Africa y’Epfo kuko atunze agera kuri miliyoni $450.

Nyuma yo kujya ku butegetsi kw’Ishyaka rya ANC, ndetse na Cyril Ramaphosa agatangira ubucuruzi mu 1994 nyuma yo kwibohora ubutegetsi bw’igitugu bwaranzwe muri Africa y’Epfo, uyu mugabo yahise aba umwe mu birabura batunze agatubutse.

Nubwo Cyril Ramaphosa yatangiye ubucuruzi, ntiyabushyiraga imbere cyane kuko mu nzozi ze harimo kuba yaba vice-perezida wa Nelson Mandela wabaye umwirabura wa mbere wayoboye Africa y’Epfo.

Gusa inzozi ze ntizaje gukunda kuko Nelson Mandela ntiyamugiriye icyizere ibintu byamubabaje cyane ntiyitabira n’umuhango wo kurahira kwe.

Cyril Ramaphosa yamenyekanye cyane ku ruhando mpuzamahanga ubwo yajyaga mu biganiro byo guhagarika ivanguraruhu ryashegeshe cyane Africa y’Epfo (Apartheid) ari nacyo cyabaye intandaro kurangiza burundu iri vangura mu 1994.

Ku butegetsi bw’umukambwe Nelson Mandela, Cyril Ramaphosa ntiyigeze yishimira Politike kuko byabaye ngombwa ko ayireka yikomereza ubucuruzi.

Kujya mu bucuruzi kwe byabaye nk’ibintu bitunguranye kuko kuva ivanguraruhu ryafata intera iri hejuru nta birabura bakunze kugaragara mu bucuruzi kuko isoko ryari ryarihariwe n’abazungu bari barakoronije iki gihugu gusa.

Ramaphosa yahiriwe mu bucuruzi bwe yaba mu by’Itumanako, Itangazamakuru, Ibinyobwa, ku bucukuzi bw’amabuye y’agaciro no mu bijyanye no gukwirakwiza amafunguro (fast food), kugeza ubu niwe uhagarariye ikigo McDonalds gishinzwe ibiribwa gifite amashami impande nde cyo muri Leta Zunze Ubummwe za America.

Mu 2012 nibwo Ramaphosa bamushinje kugira uruhare mu iyicwa ry’abacukuzi b’amabuye y’agaciro bagera kuri 34 aho bavugaga ko ariwe wabahamagariye abapolisi baje kubica.

Dore muri make uko ubuzima bwe bwagenze

Yavukiye i Soweto muri Johannesburg mu 1952.

Yafunzwe kuva mu 1974 kugeza mu 1976 ashinjwa kurwanya Apartheid.

Yatangije ishyirahamwe ry’abacukuzi b’amabuye y’agaciro "National Union of Mineworkers" mu 1982.

Yayoboye abari bashinzwe gutegura ibirori, igihe Nelson Mandela arekuwe avuye muri gereza 1990.

Mu 1994 yabaye umuyobozi uhagarariye gutegura Itegeko Nshinga

Yatangiye ubucuruzi 1997

Yari mu buyobozi bwa Lonmin, ubwo habagaho ubwicanyi bw’I Marikana mu 2012.

Yagizwe icyegera cy’umukuru w’igihugu wa Afrika Yepfo mu 2014.

Yahawe kuyobora ANC mu 2017.
Cyril Ramaphosa w’imyaka 65 yashakanye na Nomazizi Mtshotshisa mu 2008

Cyril Ramaphosa aje kunga ubumwe bw’abaturage ba Africa y’Epfo, kongera kugira iki gihugu igikomerezwa, kurwanya ruswa n’ibiyishamikiyeho, guhangana n’abayobozi bangiza umutungo w’igihugu.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza