Kwamamaza

AMATEKA

Gusaba imbabazi no kuzitanga, inzira nyirantarengwa mu nzira y’ubumwe n’ubwiyunge

Yanditswe

kuya

na

Lambert
Gusaba imbabazi no kuzitanga, inzira nyirantarengwa mu nzira y’ubumwe n’ubwiyunge

- Abagabo 13 bagize uruhare muri jenoside yakorewe Abatutsi, bemeye icyaha bakanarangiza ibihano biteganywa, bakomorewe amasakaramentu nyuma yo kwicuza no gusaba imbabazi abo bakoreye ibyaha muri Jenoside yakorewe Abatutsi, na bo bakabababarira.
Uyu muhango wabereye mu gitambo cya misa ku wa 20/08/2017 muri Paruwasi Gatolika ya Kibirizi, mu Karere ka Gisagara, ubwo basozaga urugendo rw’isanamitima, n’ubumwe n’ubwiyunge.

Bwana Ndayisaba Fidele, Umunyamabanga Nshingwabikorwa wa Komisiyo y’Igihugu y’Ubumwe n’Ubwiyunge wari n’Umushyitsi Mukuru muri uyu muhango, yabwiye abakristu ba paruwasi ya Kibirizi ko gusaba imbabazi no kuzitanga ari inzira ntarengwa mu rugendo rw’ubumwe n’ubwiyunge.

Yagize ati “Kwiyunga ni igihe uwakoze icyaha yumvise uburemere bw’icyaha ngengakamere yakoze, akababazwa na cyo, akagisabira imbabazi kandi akiyemeza gutandukana na cyo no gukumira igisa na cyo cyose”. Yavuze kandi ko gutanga imbabazi atari ukubura uko ugira, ko ahubwo ari ubutwari, kugira umutima wakira uzisabana umutima wicuza.
Bwana Ndayisaba kandi yavuze ko gusaba imbabazi no kuzitanga bijyana no kuvugisha ukuri ku byabaye, bitagirira akamaro uwazisabye n’uwazitanze gusa, ahubwo binakiza imiryango yabo, abazayikomokaho n’umuryango nyarwanda muri rusange.

Bwana Rutaburingoga Jerome, Umuyobozi w’Akarere ka Gisagara, yabuze ko igikorwa nk’iki, nyuma y’amateka akomeye igihugu cyacu cyanyuzemo, ari ubudasa bw’u Rwanda, aboneraho no gushima ubufatanye bw’inzego za Leta na Kiliziya kandi asaba ko bikomeza, kugirango ubumwe n’ubwiyunge bw’Abanyarwanda buzababere umusingi w’iterambere n’imibereho myiza.

Mu buhamya bwatanzwe, abagize uruhare muri jenoside yakorewe Abatutsi bavuze ubwicanyi bakoreye imiryango y’abacitse ku icumu, bahagararanye, bongera kubasaba imbabazi, kuzisaba Kiliziya, abacitse ku icumu bose n’umuryango nyarwanda, abacitse ku icumu na bo batanga ubuhamya bw’urugendo banyuzemo kugirango bashobore kubabarira abo babahekuye.

Padiri Jean Bosco Nsabimana, Padiri Mukuru wa Paruwasi ya Kibirizi, yavuze ko abari batumiwe gukurikirana iyi gahunda y’isanamitima n’ubumwe n’ubwiyunge muri paruwasi yabo ari 113. Hitabiriye 26 ariko abayishoje ni 13 gusa. Yasabye n’abandi basigaye kuyitabira kuko ibabohora ubwabo n’imiryango yabo igafasha n’abarokotse Jenoside yakorewe Abatutsi gukira ibikomere yabasigiye.
Igitambo cya misa cyayobowe na Padiri Ubald Rugirangoga watangije iyi gahunda, akaba n’umwe mu Barinzi b’Igihango ku rwego rw’igihugu.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza