Amateka n’imikorere y’Imbunda igaragara hejuru y’Inteko Ishinga Amategeko y’u Rwanda

27

Iki i ikibumbano gisimbura Imbunda yabaga hejuru ya CND mu 1994.

Iyo uturutse mu bice by’ahazwi nko mu mujyi rwagati cyangwa ku Kacyiru werekeza ku Kimironko unyuze ahubatse Inteko Ishinga Amategeko y’u Rwanda ahahoze hitwa kuri CND mu myaka yahise, hejuru yayo uhabona ikintu kimeze nk’imbunda n’umuntu usa n’uri kurasa , cyakunze kujya gitera abantu benshi urujijo.

Hari abakeka ko ari imbunda y’icyuma, abandi bakavuga ko yaba ari igishushanyo atari imbunda nyambunda.

Mu minsi ishize ubwo nari ndi mu modoka, umusaza twari twicaranye mu modoka tuvuye mu mujyi rwagati twerekeza ku Kimironko, yarambwiye ngo:" Buriya uriya ni umusirikari uba ucunga aho umwanzi aturuka, bashobora kuba bahasimburanwa(umwe yaruha undi akaza kumusimbura)." Gusa sinabyemeye neza.

Makuruki nayo yashatse kumenya ukuri kuri icyo gishushanyo gisa n’imbunda , kigaragara hejuru y’Ingoro y’Inteko Ishinga Amategeko, kiriho n’umuntu usa nk’uwiteguye kurasa.

Mu kiganiro na Senateri Tito Rutaremara, umwe mu banyapolitiki bari kumwe n’abasirikari 600 ba FPR-INKOTANYI kuva mu 1993, yagize byinshi adutangariza kuri iyo mbunda.

Hon Tito akaba yabanje guseka yemeza ko icyo abantu babona atari imbunda y’ukuri.

Yagize ati: " Ahahh...Oya Oya ntabwo ari imbunda nyayo nk’uko bamwe babyibwira, ahubwo n’ikibumbano cyayo(Statu) ."

Tito yakomeje avuga ko iyo mbunda yahahoze mbere gato no mu gihe cya Jenoside Yakorewe Abatutsi mu 1994, igakoreshwa nk’ubwirinzi ku basirikari n’abanyapolitiki ba FPR bari muri CND(Inteko Ishinga Amategeko y’ubu).

Senateri Tito yagize ati: "Ni ikimenyetso cy’imbunda y’abasirikare ba RPA. Yabaga hariya mu gihe cya Jenoside irinze abanyapolitiki ndetse n’abandi batutsi babaga bahungiye muri CND."

"Hari abahungiraga mu Nteko, baza bakagumamo, iyo mbunda rero ikajya irasa hirya no hino ababaga bashaka kuza kurasa ku Nteko bateye."

Akomeza avuga ko yari imbunda irasa izenguruka ku buryo yabashaga kurasa mu bice bitandukanye byo mu mujyi wa Kigali, ahabaga haturutse ingabo za FAR ndetse n’interahamwe zabaga zije kwica abanyapolitike n’abandi batutsi babaga bahungiye muri CND.

Icyo kibumbano gishushanya imbunda yahahoze

Ibyo Tito yasobanuriye Makuruki kuri icyo kibumbano cy’imbunda, abihuza na Brigadier General Joseph Nzabamwita Umuvugizi w’igisrikari cy’u Rwanda nawe wemeza ko iyo mbunda yakoreshwaga hirindwa ibitero by’Interahamwe n’abahoze ari ingabo z’u Rwanda (FAR) mu gihe cya Jenoside Yakorewe Abatutsi mu 1994.

Si Imbunda yonyine kuko mu ngoro y’Inteko Ishinga Amategeko harimo inzu ndangamurage ikubiyemo amateka n’ibimenyetso by’ihagarikwa rya Jenoside kuri CND , ndetse ngo n’iyo mbunda nayo iri muri iyo nzu ndangamurage nkuko Hon Tito yabitangaje.

Icyakora iyo nzu ndangamurage ntiruzura neza ngo iracyatunganywa, nkuko abashinzwe itangazamakuru mu Nteko Ishinga Amategeko babidutangarije.

Yisangize Inshuti.

Ibitekerezo 27

  1. Wowe nabandi mwese mwitanze murabantu bintashyikirwa mukuri imana izabahe ibyiza mubuzima

  2. kbsa maj. rwabinumi akwiye gushakwa akaduha amakuru menshi hagakorwa akadocumental kakadufasha gukomeza kumenya byinshi kumateka yigihugu cyacu ndetse ningabo zacu.
    kuko ikigararagara aba bagabo bari bafite umutima ukomeye bidasanzwe.
    ibaze nka operation ya kitona ibyahabereye namateka.
    none

  3. Nibyo koko iriya mbunda nijye wayirashishaga ariko nari kumwe nabandi 6 bamfashaga uzashaka ibisobanuro birambuye azabanze ace muri minadef bazamubwira uko twabonana . Murakoze

  4. Andika Igitekerezo Major Rwabinumi wakoze akazi gakomeye ko gutatanya umwanzi waturukaga ahantu hatandukanye, wakijije ubuzima bwa benshi

  5. ibyo Hon.Umusaza Tito yasobanuye nukuri pe!njye narimpibereye kuva iriya ntambara itangiye kugeza irangiye tariki ya 04/07/1994

  6. ibyo Hon.Umusaza Tito yasobanuye nukuri pe!njye narimpibereye kuva iriya ntambara itangiye kugeza irangiye tariki ya 04/07/1994

  7. Reka nsubize Rukaza . mu bisobanuro byatanzwe na Nyamurangwa yasobanuye ko iyo mbunda yarasagwa n,umusilikare wari ufite ipete rya sergent icyo gihe witwaga David Rwabinumi ubu akaba akiriho afite ipete rya Majoro . Ahubwo umunyamakuru akwiye kumushaka akamuha ibisobanuro bihagije. kandi ndumva abanyarwanda benshi banashima uyu musilikare cyane kuko ari mu bitanze kuko kuba hejuru hariya kirya gihe ntibyari byoroshye.

  8. Reka nsubize Rukaza . mu bisobanuro byatanzwe na Nyamurangwa yasobanuye ko iyo mbunda yarasagwa n,umusilikare wari ufite ipete rya sergent icyo gihe witwaga David Rwabinumi ubu akaba akiriho afite ipete rya Majoro . Ahubwo umunyamakuru akwiye kumushaka akamuha ibisobanuro bihagije. kandi ndumva abanyarwanda benshi banashima uyu musilikare cyane kuko ari mu bitanze kuko kuba hejuru hariya kirya gihe ntibyari byoroshye.

  9. 1 | 2 | 3

Tanga Igitekerezo