“Abanyamakuru bakije umuriro ku Kinyarwanda gishya, Abanyarwanda babisamira hejuru” RALC

4

Umunyamabanga Nshingwabikorwa wa RALC, Dr Vuningoma James

Mu Kwakira 2014 mu Rwanda hasohotse amabwiriza mashya agenga imyandikire mishya y’Ikinyarwanda. Ayo mabwiriza yagaragazaga impinduka kuri imwe mu myandikire yari isanzwe imenyerewe y’Ikinyarwanda.

Aya mabwiriza akimara gusohoka, ibitangazamakuru bitandukanye byatangaje inkuru zitandukanye zigaragaza ko hari aho yonona ururmi rw’Ikinyarwanda, ndetse na bamwe mu banyarwanda binyuze muri ibyo bitangazamakuru, berekana ko batanyuzwe n’ayo mabwiriza.

Icyo gihe uwari Minisitiri w’Umuco na Siporo Amb Joseph Habineza ubwe yivugiye ko ayo mabwiriza baramutse basanze harimo ikibazo, ngo “uwasinye’ kugira ngo yemezwe ‘yanasinyura’.

Inteko y’Ururimi n’umuco mu Rwanda (RALC) yatangaje ko kuba Abanyarwanda batarabyumvaga byatewe n’abanyamakuru babitangaje batabisomye ngo babisobanukirwe.

Mu kiganiro yagiranye na MAKURUKI, Umunyamabanga Nshingwabikorwa wa RALC, Dr Vuningoma James yagize ati: “Oya, ni ubujiji bw’umunyamakuru, gufata ibintu by’igihugu akabitera hejuru atabisomye, noneho n’abandi banyamakuru bakibwira ngo ibintu byacitse, icyo kintu nicyo cyari umuriro w’ubusa gusa [Abanyarwanda] babisamiye hejuru kuko uwo muntu yari yabahaye amakuru atari yo.”

Vuningoma nubwo yirinze kugaragaza uwo munyamakuru wabitangije, yavuze ko yabasabye imbabazi kandi bakazimuha.

Ikinyarwanda gishya cyagombaga gutangira gukurikizwa guhera tariki ya 1 Mutarama 2016 mu nzego zose. Nyamara na n’ubu hari ibikorwa bya Leta bitangazwa byanditse hakoreshejwe ikinyarwanda cya mbere y’ivugurura.

Urugero ni nk’amatangazo atandukanye ndetse n’amagazeti ya Leta asohoka umunsi ku munsi.

Vuningoma avuga ko kuba ayo mabwiriza atarashyirwa mu bikorwa nta kibazo kirimo kuko ngo kubyigisha Abanyarwanda ari urugendo rw’igihe kirekire.

Avuga ko ubu bahereye mu mashuri bigisha, bahugura abarimu ndetse banategura integanyanyigisho zijyanye n’iyo myandikire mishya.

Ati “Byaratangiye duhugura abategura iby’imyandikire nk’ama raporo…ni urugendo rw’Abanyarwanda, nta gihe tuzavuga ngo byarafashe ijana ku ijana, icyangombwa nuko amakosa yari arimo akosoka, atakosoka bigakomeza.”

Bimwe mu byateje ikibazo mu myandikire mishya y’Ikinyarwanda harimo nk’ imyandikiye y’amagambo Umujyi, Jyewe/ Njyewe aho amabwiriza avuga ko ayo magambo akwiye kwandikwa Umugi, Gewe/Ngewe.

Si aho kandi gusa kuko nko ku magambo yakoreshwagamo igihekane ’ Cy’ gikurikiwe n’inyajwi ’i’ ubu hari gukoreshwa ’k’. urugero ni nko ku ijambo: Ikibabi cy’igiti , byahinduwe Ikibabi k’igiti. Hari n’izindi mpinduka zabaye nko mu ijambo ’Intsinzi’ ubu ryandikwa ‘insizi’.

Yisangize Inshuti.

Ibitekerezo 4

  1. Aba basaza rwose ibyabo birasekeje, buriya barumva imyandikire izadufasha iki koko? Ariko se bakore iki kindi ibyo bazi ko bikuze nkabo? Ahubwo ibyo tugezeho byarabarenze?

  2. Andika Igitekerezo HanoMuturekere ikinyarwanda tumenyereye ibyo nukugirango mukonsome Reta amafranga kdi yagakoreshejwe ibindi

Tanga Igitekerezo