Kwamamaza

27th African Union Summit

U Rwanda na Gabon bakuyeho inzitizi mu guhamagarana kuri Telefone

Yanditswe

kuya

na

Jean Louis Uwishyaka
U Rwanda na Gabon bakuyeho inzitizi mu guhamagarana kuri Telefone

Perezida Kagame na Ali Bongo (ibumoso) bishimiye ubu buryo bushya mu itumanaho batangije hagati y’ibihugu byabo

Kuri uyu wa 18 Nyakanga 2016, u Rwanda n’igihugu cya Gabon batangije gahunda yiswe “One Africa Network” igamije gutuma inzitizi mu guhamagara zikurwaho abaturage babyo bakazajya bahamagarana ku biciro bingana.

Iyi gahunda yatangirijwe mu nama y’umuryango wa Afurika yunze ubumwe isoza imirimo yayo uyu munsi hano I Kigali, by’umwihariko ikaba yatangijwe mu nama yihariye yahuje ibihugu bihuriye mu muryango Smart Africa ugamije guhindura Afurika binyuze mu ikoranabuhanga.

Iyi gahunda yatangijwe hagati y’u Rwanda na Gabon igamije koroshya ubufatanye bw’ibi bihugu mu bijyanye n’itumanaho, aho izafasha abaturage babyo guhamagara muri ibi bihugu nta kiguzi utanze bizwi nka "Roaming charges"

Aba bayobozi bishimiye aho gahunda ya Smart Africa igeze ndetse bashimira Perezida Kagame ku kazi gakomeye yakoze kugira ngo ibashe kuba igeze aho igeze ubu.

Perezida Kagame yavuze ko ubu buryo bwo kwihuriza hamwe nk’ibihugu ngo bigira akamaro mu iterambere ry’ibihugu, aho yatanze urugero rw’umuhora wa ruguru (Northern corridor) u Rwanda ruherereyemo watumye ibihugu biwuherereyemo bigenderana mu buryo bworoshye ndetse n’uburyo bwo guhamagarana hagati yabyo bukoroha cyane.


Perezida Kagame yavuze ko uburyo bwo guhamagarana bukwiye koroshywa hose

Yagize ati: "Ibi dusa n’ababitangiye mu karere kacu mu byo twita Northern corridor, aho iyo umunyarwanda ashatse kujya muri Kenya bitamusaba kwishyura amafaranga yo guhamagara…iki gikorwa dutangije uyu munsi rero kigamije gufasha abaturage bacu kuzajya bahamagara ku buryo buhendutse cyane.”

Yahaye ubuhamya abandi bayobozi, ababwira ko kuva ubu buryo bwatangira gukoreshwa mu bihugu byo mu muhora wa ruguru ngo ubu umubare w’abahamagarana wiyongereyeho ibigera kuri 700%, ibintu avuga ko byagakwiye kuba ahantu hose.

Yavuze kandi ko ibi biba bitagarukira gusa ku itumanaho gusa bitewe n’uko ngo binagamije guteza imbere ikoranabuhanga rya interineti ku batuye uyu mugabane. Yavuze kandi ko ibi byose kugira ngo bigerweho hakenewe ubufatanye n’abikorera ku giti cyabo.

Gahunda ya Smart Africa bavuga ko yitezweho gukurura abashoramari bazabasha kuzamura ibikorwa by’amajyambere by’ibihugu binyuze mu bikorwa byabo bahakorera.


Abakuru b’ibihugu bitandukanye biri Smart Africa

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza