Amatora y’Umuyobozi wa Komisiyo y’Afurika Yunze Ubumwe yasubitswe

Amatora y’umuyobozi mukuru wa Komisiyo y’Afurika Yunze ubumwe amaze gusubikwa kubera ko mu bakandida batatu bahanganye nta n’umwe wagejeje kuri 2/3 by’aamajwi y’batora kugira ngo umukandida atorerwe uyu mwanya

Aya matora yari ayo gutora umuyobozi usimbura umuyobozi wa komisiyo y’umuryango wa Afurika yunze ubumwe Nkosazana Dalamini Zuma wari umaze imyaka ine ayiyoboye.

Abakandida batatu bari guhatanira kuyobora Komisiyo ya AU harimo Minisitiri w’Ububanyi n’Amahanga wa Botswana Dr Pelonomi Venson-Moitoi; Dr Specioza Naigaga Wandira Kazibwe wigeze kuba Visi Perezida wa Uganda, na Minisitiri w’Ububanyi n’Amahanga wa Guinea Equatorial, Agapito Mba Mokuy.

Ibihugu bigera kuri 28 byifashe bituma mu biyamamaza bose nta n’umwe ugira amajwi angana na 2/3 by’inteko itora yose kugirango abashe gutsinda amatora.

Uwahoze ari Visi perezida wa Uganda Specioza Wandira Kazibwe yabonye amajwi 11 Minisitiri w’Ububanyi n’amahanga wa Bostwana Pelomi Venson-Moitoi abona amajwi 16 naho umunya Guinnee Equatorial Agapito Mba Mokuy, abona amajwi 12 .

Umukandida wagize amajwi make ari we Specioza Wandira Kazibwe uhagarariye Uganda yavuyemo maze bongera gutora Pelomi Venson-Moitoi wa Bostwana atorwa ku majwi 23 ariko nubundi ntiyagwiza 2/3 by’abatora bose bisabwa.

Hari amakuru yavugaga ko ibihugu 15 bigize Umuryango w’Ubukungu bw’ibihugu bya Afurika y’u Burengerazuba, ECOWAS, byasabye Komisiyo y’Umuryango wa Afurika yunze Ubumwe ko amatora y’Umuyobozi wa Komisiyo y’uwo muryango yasubikwa bitewe n’uko ngo abakandida bose biyamamaje kuri uyu mwanya ngo batujuje ibisabwa.

Prof. Vincent Nmehielle, umuyobozi ushinzwe amategeko mu muryango wa Afurika Yunze ubumwe yari yavuze ko nta gisibya amatora ku muyobozi wa komisiyo y’umuryango wa Afurika yunze Ubumwe agomba kuba kuri uyu wa 18 Nayakanga 2016 kuko abakandida bahatana baturuka mu bihugu bigize umuryango wa Afurika Yunze Ubumwe, nta bihano bafatiwe kandi ko nta n’ibyo amategeko abasaba batujuje kandi bakaba baratowe binyuze mu mucyo.

Madamu Dr Nkosana Dalamini Zuma araba akomeje kuyobora Komisiyo y’Umuryango w’Afurika Yunze Ubumwe mu gihe hataraboneka uzamusimbura.

Aya matora yimuriwe mu kwezi kwa Mutarama muri 2017, kuri ubu abakandida babyifuza bakaba bazakomeza kwiyamamaza.

Aya matora azabera ku kicaro gikuru cy’umuryango wa Afurika yunze ubumwe i Asdis Ababa muri Etiyopiya.

Muvunyi Arsene

Makuruki.rw

Yisangize Inshuti.

Ibitekerezo

Tanga Igitekerezo