Abaperezida 35 ni bo bamaze kwemeza kuzitabira inama ya AU mu Rwanda

2

Minisitiri Louise Mushikiwabo yemeje u Rwanda rwiteguye kwakira inama ya AU

Minisitiri w’ububanyi n’amahanga w’u Rwanda, Louise Mushikiwabo, yatangaje ko abakuru b’ibihugu 35 ari bo kugeza ubu bamaze kwemeza ko bazitabira Inama y’Umuryango wa Afurika yunze Ubumwe igiye kubera mu Rwanda muri uku kwezi kwa Nyakanga.

Abinyujije ku rukuta rwe rwa Twitter, Minisitiri Mushikiwabo Louise yavuze ko u Rwanda rwiteguye neza kwakira kwakira abashyitsi bazitabira iyi nama, ndetse anemeza ko abaperezida 35 ari bob amaze kwemeza kuzaza muri iyi nama igiye kuba ku nshuro ya 27.

Minisitiri Mushikiwabo yagize ati “U Rwanda rwiteguye neza cyane kwakira Inama y’Umuryango wa Afurika yunze ubumwe muri iki cyumweru tugiye gutangira, abaperezida 35 bamaze kwemeza kuzayitabira. Hobee Africa!”

Ibi bivuze ko kugeza ubu abakuru b’ibihugu 19 muri 54 bagize uyu mugabane ari bo bataremeza niba bazaba bari I Kigali muri iyi nama y’akataraboneka, iteganyijwe gutangira tariki ya 10 kugeza kuri 18 Nkayanga 2016.

Imirimo y’iyi nama nyir’izina izatangira kuri iki cyumweru abahagarariye ibihugu byabo muri Afurika (Ambassadors), bagirana ibiganiro.

Biteganyijwe ko tariki ya 17 na 18 Nyakanga, ari bwo hazaba inama nyamukuru y’umuryango w’Ubumwe bw’ibihugu by’Afurika, izahuza abakuru b’ibihugu na za Guverinoma.

Iyi nama igiye kubera mu Rwanda, izibanda ku burenganzira bw’abagore, uburezi, ubuzima, umutekano n’urujya n’uruza rw’abantu n’ibintu.

Muri iyi nama kandi biteganyijwe ko hazatangizwa Pasiporo nshya imwe ku banyafurika, ndetse hakazanatorwa umuyobozi mushya w’umuryango wa Afurika yunze ubumwe, uzasimbura Dr Nkosazana Dlamini Zuma, wari usanzwe uwuyobora kuva mu 2012.

Yisangize Inshuti.

Ibitekerezo 2

  1. dushimiye inonama irigutegurwa arikose iyinama ifitubushobozi bwogukumira izintambara zibera muribi bihugu nka sud sudan na batubapfa burimunsi ibujumbura na congo bazakoresha ubuhe buhanga kugirango bakumire ubwo bwicanyi

Tanga Igitekerezo